મહેશ સવાણીએ કહ્યું કે હું આમ આદમી પાર્ટીમાં જોડાયો તે પહેલા દસમાંથી પાંચ લોકોએ એવી સલાહ આપી કે જૉ તમે રાજકારણમાં જશો તો બીજી પાર્ટી તમને હેરાન કરશે અને તમારા બિઝનેસ પર અસર થશે.
ગુજરાતમાં આમ આદમી પાર્ટીનો મોટો દાવ
મહેશ સવાણી આમ આદમી પાર્ટીમાં જોડાયા
હું માથે કફન બાંધીને નીકળ્યો છું : સવાણી
ગુજરાતમાં આગામી વર્ષે વિધાનસભાની ચૂંટણી છે ત્યારે આમ આદમી પાર્ટી દ્વારા રાજકારણ તેજ કરવામાં આવ્યું છે. AAPમાં એક બાદ એક જાણીતા ચહેરાઓની એન્ટ્રી કરાવવામાં આવી રહી છે જેના કારણે રાજકારણમાં AAP ચર્ચાનો વિષય બની છે ત્યારે આજે સુરતમાં જાણીતા પાટીદાર સમાજસેવી અને ઉદ્યોગપતિ મહેશ સવાણી પણ આમ આદમી પાર્ટીમાં જોડાઈ ગયા છે. પાર્ટીમાં જોડાય બાદ સવાણીએ ભાવુક સંબોધન કર્યું હતું.
AAP नेता व दिल्ली के उपमुख्यमंत्री @msisodia जी की Gujarat के Surat से महत्वपूर्ण Press Conference | LIVE https://t.co/0Ucoe5Sc33
હું સમાજ સેવા કરવા માંગુ છું : સવાણી
મહેશ સવાણીએ કહ્યું કે હું આમ આદમી પાર્ટીમાં જોડાયો તે પહેલા દસમાંથી પાંચ લોકોએ એવી સલાહ આપી કે જૉ તમે રાજકારણમાં જશો તો બીજી પાર્ટી તમને હેરાન કરશે અને તમારા બિઝનેસ પર અસર થશે. મારે સેવા કરવી છે અને સેવા કરવા માટે કામ કરીશ. હું ગરીબની ઝૂંપડીમાં બેસવાવાળો માણસ છું.
गुजरात के सफल उद्योगपति और प्रसिद्ध समाजसेवी महेश सवानी आज आम आदमी पार्टी में शामिल हुए.
જેલમાં જવું તો વાંધો નહીં, કફન બાંધીને નીકળ્યો છું : સવાણી
મહેશ સવાણીએ કહ્યું કે મારે સેવા કરવી છે અને તે માટે જેલમાં જવું પડે તો પણ વાંધો નથી. મને ગોળી મારી દેશે તો પણ વાંધો નથી કારણ કે મેં મારી જિંદગી જીવી લીધી છે. સમાજના કામમાં ક્યારેય રાજકારણ ન થવું જોઈએ પરંતુ હવે સમાજના કામમાં પણ રાજકારણ કરવામાં આવી રહી છે. આમ આદમી પાર્ટીને મેં સેવા કરતાં જોઈ છે એટલે હું જોડાયો છું.
ભાવુક થયા સવાણી
નોંધનીય છે પત્રકાર પરિષદ દરમિયાન કોરોનાકાળનો એક અનુભવ વ્યક્ત કરી રહેલા મહેશ સવાણી ભાવુક થઈ ગયા હતા. સવાણીએ કહ્યું કે સૌરાષ્ટ્રમાં કોરોના આઇસોલેશન સેન્ટર શરૂ કર્યા. પરંતુ તમે કઈ પાર્ટી સાથે જોડાયેલા છો તે સવાલ કરી કરીને સેન્ટર બંધ કરી દેવા પડ્યા અમને પરવાનગી ન આપી. એક કાકાને મેં મારી નજરે મરતા જોયા. મહેશ સવાણીએ ભારપૂર્વક કહ્યું કે હું માથે કફન બાંધીને નીકળ્યો છું અને જેલમાં જવું પડે તો પણ તૈયાર છું. દિલ્હી સરકારની એજ્યુકેશન અને મેડિકલ ક્ષેત્રની કામગીરી જોઈ છે એટલે હું પાર્ટીમાં જોડાયો છું.