એવું કહેવામાં આવે છે કે હજી પણ મોટાભાગનું દરિયાઈ જીવન અજાણ્યુ છે અને માણસ ફક્ત મહાસાગરોના એક ભાગથી પરીચિત છે. દરિયાની નીચેનું વિશ્વ કોઈ સાયન્સ ફિક્શન ફિલ્મ જેવુ છે.
શું દરિયાની નીચે એલિયન્સની દુનિયા શક્ય છે?
મોટાભાગના જીવો દરિયાના ઉંડા પટમાં જોવા મળે છે
વૈજ્ઞાનિકો અને સામાન્ય લોકો અચંબિત થયા
અજબગજબ જેવી જીવોથી ભરેલી દુનિયા જે ઘણી વખત ફિલ્મોમાં દર્શાવેલા એલિયન્સની જેમ જોવા મળે છે. જેમાં મોટાભાગના જીવો દરિયાના ઉંડા પટમાં જોવા મળે છે. પરંતુ ક્યારેક-ક્યારેક તેઓ કિનારે પણ આવી જાય છે. જેને જોઈને વૈજ્ઞાનિકો અને સામાન્ય લોકો ઘણી વખત આશ્ચર્યચકિત થઈ જાય છે.
મહાકાય સ્કિવડનું વજન 330 કિગ્રાથી વધુ
અત્યાર સુધી ઘણી વખત સમુદ્રના ઉંડા પાણીમાંથી બહાર આવેલા જીવો કિનારે જોવા મળ્યાં છે. છેલ્લાં એક દાયકામાં દરિયા કિનારે તરીને બહાર આવેલા સૌથી ચાર અજબ ગજબ જીવો પર કરીએ એક નજર. વર્ષ 2013ના ઓક્ટોબર મહિનામાં એક વિશાળકાય સ્કિવડ સ્પેનિશ દરિયા કિનારે તરીને આવ્યો હતો. જેનો આકાર ખૂબ મોટો હતો. મહાકાય સ્કિવડને લઇ સદીઓથી અલગ-અલગ કાલ્પનિક દાવા કરાઈ રહ્યાં છે. આ ખૂબ અસામાન્ય જીવ વિશ્વના સૌથી મોટા અપૃષ્ઠવંશી પ્રાણી છે અને આ પ્રાણીઓની આંખો સૌથી મોટી હોય છે. આ ઊંડા પાણીમાં રહે છે અને ભાગ્યે જ પાણીમાંથી બહાર આવે છે. લાઈવ સાયન્સ મુજબ, ઓક્ટોબર 2013માં જોવા મળ્યું કે સ્કિવડ લગભગ 13 ફૂટથી વધુ લાંબુ હતુ અને તેનું વજન 660 પાઉન્ડ (330 કિલોગ્રામ)થી વધારે હતુ.
વાળ વાળા દરિયાના રાક્ષસને જોઈ લોકો ચોંક્યા
ફિલીપાઈન્સના ઓરિએન્ટલ મિંડોરો રાજ્યના રહેવાસીઓ માટે મે 2018ની સવારનો દિવસ ખૂબ ભારે રહ્યો હતો. આ દરિયા કિનારે એક વિશાળકાય વાળવાળા પ્રાણીને જોઈ લોકો અચંબામાં પડી ગયા હતા. આ અગાઉ નિષ્ણાંતો આ જીવની તપાસ અને ઓળખ કરે તે પહેલાં સ્થાનિકોએ 20 ફૂટ લાંબા આ જાનવરનું નામ 'The Globster' રાખ્યું. કોઈ સામાન્ય દરિયાઈ જીવની જેમ આ પ્રાણીની દુર્ગધ ખૂબ ચોંકાવનારી હતી. બાદમાં વૈજ્ઞાનિકોએ સમજાવ્યું કે ફૂલાયેલુ શરીર કદાચ એક વ્હેલનુ શરીર અને કદાચ સ્નાયુઓ ફાયબરના ડિન્કપોજ હોવાના કારણે તેના શરીર પર વાળ જેવી જાળ બિછાયેલી છે.
શાર્કનું લિવર ગાયબ
દક્ષિણ આફ્રિકાના કિનારે મે 2017માં એક ગુપ્ત દરિયાઈ જીવને જોવામાં આવ્યું. ત્રણ મહાકાય વાઈટ શાર્ક દરિયામાંથી તરીને કિનારે આવી હતી. જેમાં ચોંકાવનારી બાબત એ હતી કે ત્રણેય જીવોનુ લિવર અને એકનુ હૃદય ગાયબ થયુ હતુ. મોતનુ કારણ જાણવા માટે વૈજ્ઞાનિકોએ ત્રણેય શાર્કના મૃતદેહોના ઈજાની તપાસ કરી. તપાસમાં મોતનું કારણ એક બીજો દરિયાઈ જીવ orcas જણાવવામાં આવ્યો. Orcasને કિલર વ્હેલ પણ કહેવામાં આવે છે. આ શાર્ક જેવી અન્ય પ્રજાતિઓ પર હુમલો કરવા અને તેના અવયવોને ખાઈ જવા માટે ઓળખાય છે. જેના માટે લિવર એક મનપસંદ ભોજન છે. કારણકે આ ફેટ અને પોષક તત્વોથી ભરપૂર હોય છે.
ઊંડા પાણીમાં રહેતી ખતરનાક એન્ગલફીશ
એક માછીમારોએ મે 2021માં કેલિફોર્નિયાના ક્રિસ્ટલ કોવ સ્ટેટ પાર્કમાં એક એન્ગર માછલીનો અવશેષ જોયો. જે સામાન્ય રીતે ઊંડા પાણીમાં જોવા મળે છે. આ નજારો દુર્લભની સાથે-સાથે ચોંકાવનારો પણ હતો. કારણકે આ માછલી લગભગ 914 મીટર (આશરે 3000ઓ ફૂટ) ઊંડા પાણીમાં જોવા મળે છે અને જોવામાં ખૂબ જ ભયાવક હોય છે. આ માછલી વિષમ પરિસ્થિતિઓમાં પણ જીવતી રહી શકે છે. ઊંડા પાણીમાં તાપમાન બરફવાળું હોય છે. જેથી માછલીઓએ અસામાન્ય દબાણનો પણ સામનો કરવો પડે છે.