ભારતમાં એક સુઅરે વિચિત્ર બાળકને જન્મ આપ્યો છે. તેના હાથ પગ માણસના બાળક જેવા છે. પણ નાક અને હોઠનો ભાગ સુઅર જેવો છે. આ નવજાતની પૂંછડી પણ છે. દાવો કરવામાં આવી રહ્યો છે કે આ વિચિત્ર જીવનો જન્મ મુંબઈ સ્થિત બોરિવલી નેશનલ પાર્કમાં થયો. કેટલાક લોકો તેને શૈતાની તાકાત કહી રહ્યા છે. જ્યારે કેટલાક લોકો માટે તે ભગવાનનો ચમત્કાર છે.
વ્હોટ્સએપથી લઈ ટ્વિટર અને ફેસબુક સુધી આ વિચિત્ર જીવની તસ્વીર વાયરલ થઈ રહી છે.
શું આ શક્ય છે?
આમ તો વિજ્ઞાનની નજરમાં આવુ શક્ય છે. તેને હાઈબ્રિડ પ્રજાતિ કહેવામાં આવે છે. દુનિયાભરમાં એવા ઘણા કીસ્સા સામે આવ્યા છે જ્યાં ટેક્નિક મારફતે પ્રાણીઓ પોતાના કરતા અલગ પ્રકારના બાળકોને જન્મ આપે છે. પણ સુઅરના બાળકોને લઈ જે દાવાઓ કરવામાં આવી રહ્યા છે તે તમામ ખોટા છે.
શું છે આ વાયરલ ફોટોનું સત્ય?
હકીકતમાં આ કોઈ જીવ નહીં પણ વસ્તુ છે. આ સિલિકોન રબરથી બનાવેલા રમકડા છે. LAIRA MAGANUCO નામની ઈટલીમાં રહેનારી મહિલાએ તેને બનાવ્યા છે. તેણે પોતાના ઈન્સ્ટાગ્રામ પર આ તસ્વીરોને શેર કરી છે. એટલુંજ નહીં તે આવા ઘણા રમકડા બનાવતી રહે છે. તે દેખાવે એટલા અસલી લાગે છે કે પહેલી નજરમાં કોઈ પણ છેતરાઈ જાય.