કોઇપણ ઓફિસમાં કુતરાઓ વેલકમ કરે તેવી વાત સાંભળી આપને આશ્ચર્ય થશે પરંતુ આ વાત એકદમ સાચી છે. ચંદીગઢમાં એક એવી કંપની આવેલી છે જ્યાં કુતરા દ્વારા સ્વાગત કરવામાં આવે છે, આ સાથે જ 2 કુતરા સમગ્ર ઓફિસમાં ફરતા રહે છે.
એક અનોખી ઓફિસ
કુતરાઓ કરે છે સ્વાગત
કર્મચારીઓ માટે કંપનીએ ગોઠવી ખાસ વ્યવસ્થા
નોંધપાત્ર વાત એ છે કે, આ કંપનીઓ કાર્યકારી વાતાવરણ અને તાણથી રાહત મેળવવા માટે ગૂગલના પગલે પણ આગળ વધી છે. તણાવ દૂર કરવા માટે બે પાલતુ કૂતરાઓએ ઓફિસની મદદ લીધી છે. તેના કર્મચારીઓ માટે ઘણી સુવિધાઓ છે.
ઓફિસમાં પ્રવેશનારનું કુતરા કરે છે સ્વાગત
મનીમાઝરા (NAC) સ્થિત ક્યૂ બ્લોક્સ ટેક્નોલોજી પ્રા.લિની ઓફિસમાં પ્રવેશતા જ કાર્લોસ અને ચતુર નામના 2 પાળતુ કુતરા આવનારનું સ્વાગત કરે છે. બીગલ્સ બ્રીડના આ બંન્ને કુતરાઓ આ ઓફિસમાં ફર્યા કરે છે. કર્મચારીઓ પણ તેમની સાથે ગેલ કર્યા કરે છે.
ચતુર નામનો કુતરો એક-એક કર્મચારી સાથે કરે છે મુલાકાત
આ રીતે ઓફિસમાં દિવસની શરૂઆત થાય છે. પછી કાર્લોસ તો ભાગીદાર પંચમની કેબિનની પાસે જ પોતાની બેઠક જમાવે છે અને ચતુર એક-એક કર્મચારીઓને મળે છે. 5000 વર્ગ ફૂટની જગ્યા ધરાવતી આ કંપનીમાં 50 કર્મચારીઓ કામ કરે છે.
કર્મચારીઓ માટે જમવાનું બનાવવા માટે રસોઇયાની કરાઇ છે વ્યવસ્થા
2005 માં શરૂ થયેલી આ કંપનીનું ટર્નઓવર ભલે વધારે ન હોય પરંતુ અહીં ઉપલબ્ધ સુવિધાઓથી કર્મચારીના જુસ્સો મજબૂત છે. આ સાથે જ કર્મચારીઓને ઘર જેવું જમવાનું ઉપલબ્ધ કરાવવા માટે ખાસ રસોઇયાની વ્યવસ્થા કરવામાં આવી છે. વર્ક સ્પેસની સાથે જ અહીં પ્લે સ્ટેશન, ટેબલ ટેનિશ, સ્નુકર પણ ઉપલબ્ધ કરાવવામાં આવ્યા છે. કર્મચારીઓ અનુકુળતા મુજબ કામકાજમાંથી બ્રેક લઇને આ સુવિધાઓનો આનંદ લઇ શકે છે.