CWGમાં ભારતને ત્રીજું ગોલ્ડ વેટલિફ્ટિંગમાં સતીશ શિવલિંગમે જીત્યો ગોલ્ડ

ઓસ્ટ્રેલિયાઃ ગોલ્ડ કોસ્ટ કોમનવેલ્થ ગેમ્સ 2018માં આજ સુધી ભારતીય એથલિટ્સે સારી શરૂઆત કરી છે. રમતના ત્રીજા દિવસે વેટલિફ્ટર સતીશ શિવલિંગમના પુરષોની 77 કિલોગ્રામની કેટેગરીમાં ગોલ્ડ મેડલ જીત્યો છે. સતીશે સ્નૈચમાં 144ના સર્વશ્રેષ્ઠ ભાર ઉઠાવ્યો તો ત્યાં ક્લીન એન્ડ જર્કમાં 173ના સર્વશ્રેષ્ઠ ભાર ઉઠાવ્યો. આ સાથે જ ભારતે ત્રણ ગોલ્ડ એક સિલ્વર અને એક બ્રોન્ઝ મેડલ સહિત કુલ પાંચ મેડલ જીત્યા છે. ભારતે આ બધા મેડલ વેઇટલિફટિંગમાં જીત્યા છે.

આ સાથે ભારત મેડલ જીતનાર દેશમાં ત્રીજા સ્થાને છે. આવામાં ભારતીય એથલેટિકોની આશા વધી રહી છે.  ભારતીય મહિલા ટેબલ ટેનિસ ટીમ સેમિફાઇનલમાં પહોંચી ગઇ છે. ભારતે મલેશિયાને 3-0થી પરાજય આપ્યો હતો. ભારતીય હોકી મેન્સ ટીમ પૂલ બીમાં કટ્ટર હરીફ પાકિસ્તાન સામે રમશે. જ્યારે મહિલા 63 કિગ્રામાં વંદન ગુપ્તા જ્યારે મેન્સમાં 85 કેજીમાં આર. વેંકટ રાહુલ ઉતરશે.

ઉલ્લેખનીય છે કે આ અગાઉ ભારત તરફથી વેઇટલિફટિંગમાં સંજીતા ચાનુએ ભારતને ગોલ્ડ મેડલ અપાવ્યો હતો. જ્યારે મીરા ચાનુએ પણ ભારતને ગોલ્ડ મેડલ અપાવ્યો હતો.