ભારતીય ખેલાડીઓમાં કોમનવેલ્થ ગેમ્સમાં મેડલનો વરસાદ વરસાવી રહ્યો છે. આ ક્રમમાં હવે ભારતના યુવા વેટલિફ્ટર લવપ્રિત સિંહ પણ જોડાયો છે. લવપ્રિતે ભારતને વધુ એક બ્રોન્ઝ મેડલ અપાવ્યો છે.
લવપ્રીત સિંહ સ્નેચ રાઉન્ડમાં સારું રમ્યો હતો અને ત્રણેય પ્રયાસમાં તે સફળ સાબિત થયો હતો. તેણે સ્નેચ રાઉન્ડમાં અનુક્રમે 157 કિગ્રા, 161 કિગ્રા અને 163 કિગ્રા વજન ઉંચક્યું હતુ. આ પછી લવપ્રીતે પણ ક્લિન એન્ડ જર્ક રાઉન્ડમાં તેના ત્રણેય પ્રયાસને સફળ બનાવ્યા હતા અને અનુક્રમે 185 કિગ્રા, 189 કિગ્રા, 192 કિગ્રા વજન ઉંચક્યું હતુ. આ રીતે લવપ્રીતે કુલ 355 કિલો વજન ઉંચક્યું હતું.