ઓવરઈટિંગ અથવા આખો દિવસ બેસી રહેવાને કારણે આજકાલ ઘણાં લોકોમાં ફાંદ અને વજન વધવાની સમસ્યા જોવા મળે છે. પણ તમે ડિટોક્સ વોટર પીને આ સમસ્યા દૂર કરી શકો છો.
આજકાલ ઘણાં લોકોમાં ફાંદ અને વજન વધવાની સમસ્યા જોવા મળે છે
તમારી જ ભૂલોથી વધે છે વજન
તમે ડિટોક્સ વોટર પીને આ સમસ્યા દૂર કરી શકો છો
ફાંદ દેખાવા પર શરીર બેડોળ લાગે છે. આપણી પર્સનાલિટી ખરાબ દેખાય છે. જેથી યોગાની સાથે ખાનપાનમાં ધ્યાન રાખીને વજનને કંટ્રોલમાં રાખી શકાય છે.
તુલસી અને અજમાની ડિટોક્સ ડ્રિંક
વજન ઘટાડવાની સૌથી કારગર રીત છે શરીરને ડિટોક્સ કરવું. જેના માટે તુલસી અને અજમાની ડિટોક્સ ડ્રિંક બેસ્ટ છે. આ બંને વસ્તુ સ્વાસ્થ્ય માટે ખૂબ જ કારગર છે. તુલસી અને અજમામાં ઘણાં પોષક તત્વો હોય છે, જે વજન ઉતારવામાં મદદ કરે છે. તુલસી વેટ લોસ અને મેટાબોલિઝ્મને વધારે છે. અજમો ગેસ્ટ્રિક જ્યૂસને રિલીઝ કરવામાં મદદ કરે છે. જેથી શરીરની ચરબી ઝડપથી ઓગળે છે.
આ રીતે બનાવો ડ્રિંક
આ ડ્રિંક બનાવવા માટે સૌથી પહેલાં રાતે 1 ગ્લાસ પાણીમાં 1 ચમચી અજમો પલાળી દો. સવારે તેમમાં 4-5 તુલસીના પાન નાખીને અડધું રહે ત્યાં સુધી ઉકાળી ગ્લાસમાં ગાળી દો અને નવશેકું રહે એટલે રોજ સવારે ખાલી પેટ આ રીતે પીવો.
ફાયદા
સાંધાના દુખાવામાં રાહત આપે છે
વાયરલ ચેપ સામે રક્ષણ આપે છે
એસિડિટી અને કબજિયાતમાં રાહત આપે છે
વજન ઘટાડવા માટે અસરકારક
તુલસીના ફાયદા
તુલસીના પાનનો ઉપયોગ શરદી ખાંસીમાં ઉકાળો બનાવવા માટે કરવામાં આવે છે. જો ક્યાંય પણ ઈજા થઈ હોય, તો તુલસીના પાન પીસીને ફટકડી સાથે લગાવવાથી ઘા ઝડપથી મટે છે. તુલસીમાં એન્ટી-બેક્ટેરિયલ તત્વો છે જે ઘાને પાકવા દેતું નથી અને ઝડપથી મટાડી દે છે.