ગ્રીન જ્યુસ અથવા ગ્રીન સ્મૂધીના ઘણા ફાયદા છે. તે વજન ઘટાડવાથી લઈને ડાયાબિટીસ અને એસિડિટી જેવી ઘણી બીમારીઓમાં પણ ફાયદો કરે છે.
ગ્રીન જ્યુસના સેવનના છે ઘણા ફાયદા
ડાયાબિટીસ રહેશે કંટ્રોલમાં
એસિડિટીની સમસ્યામાં પણ મળશે રાહત
જ્યારે પણ વેટ લોસની વાત આવે છે ત્યારે તેના માટે ઉપયોગમાં લેવામાં આવતા ઘણા પ્રોડર્ટ્સમાં સૌથી ઉપર ગ્રીન જ્યુસ અથવા ગ્રીન સ્મૂથીનું નામ આવે છે. ગ્રીન જ્યુસના ઘણા ફાયદા હોય છે. જે વજન ઓછુ કરવાની સાથે એસિડિટી અને ડાયાબિટીઝમાં પણ રાહત આપવાનું કામ કરે છે. રોજ ગ્રીન જ્યૂસનો એક ગ્લાસ તમારા જીવનમાંથી તમામ હેલ્થ સંબંધી મુશ્કેલીઓ દૂર કરી શકે છે. જોકે જો તમને કોઈ ગંભીર મેડિકલ ઈશ્યૂ છે તો પહેલા પોતાના ડોક્ટર સાથે સલાહ લો.
આ રીતે બનશે ગ્રીન જ્યૂસ
ગ્રીન જ્યૂસ બનાવવા માટે તમે સીઝનમાં જે પણ લીલાં પાંદડાં મળે છે. જેમ કે પાલક, ધાણાજીરું, કોબીનાં પાન, મેથીનાં પાનને મિક્સરમાં નાખો અને તેમાં સફરજન, જામફળ અથવા નાસપતી જેવા કોઈપણ એક સીઝનલ ફ્રૂટને ઉમેરો. કેળા કે કેરી જેવા ફળો ન નાખો જે ડાયાબિટીસમાં નથી ખાઈ શકાતા. હવે તેમાં બે ગ્લાસ પાણી ઉમેરી ક્રશ કરી લો. હવે તેને ફિલ્ટર કર્યા વગર ગ્લાસમાં નાખીને પીવો.
જાણો સ્મૂથીના ફાયદા
સ્મૂધીમાં ફળો અને શાકભાજી હોય છે જેથી તમને બધા પોષક તત્વો મળે રહે છે. જ્યારે પાંદડામાં રહેલું ક્લોરોફિલ રાંધવામાં ન આવે ત્યારે તે સીધા તમારા શરીર સુધી પહોંચે છે અને તમામ પ્રકારના ફાયદા પહોંચાડે છે. બીજી તરફ જ્યારે લીલા શાકભાજીને વધુ પડતી રાંધવામાં આવે છે ત્યારે તેના પોષક તત્વો નાશ પામે છે.
આ લાઈટ હોવાથી સરળતાથી પચી જાય છે. તે લીવરને ડિટોક્સિફાય કરવામાં મદદ કરે છે અને તેમાં રહેલું ફાઈબર વ્યક્તિને લાંબા સમય સુધી પેટ ભરેલું હોવાનો અહેસાસ કરાવે છે. આના કારણે શરીર એલ્કલાઈન થાય છે તેથી એસિડિટીમાં પણ ફાયદો થાય છે.
ડાયાબિટીસ માટે મિક્સ કરો મેથી
જો ડાયાબિટીસના દર્દીઓ ગ્રીન જ્યુસ થોડી મેથી, થોડું તજ અને થોડી હળદર મિક્સ કરીને પીવે તો તેમનું શુગર લેવલ પણ નીચે આવે છે. જો કે તમારા ડૉક્ટરની સલાહ લીધા પછી જ આ ઉપાય અપનાવો પરંતુ મોટાભાગના કિસ્સાઓમાં તેને સલામત માનવામાં આવે છે. જો તેને સવારે ખાલી પેટ લેવામાં આવે તો તે વધુ સારું કામ કરે છે. સ્મૂધી લીધા પછી એકથી બે કલાક સુધી કંઈપણ ન ખાવું.