વજન ઓછુ કરવા માટે વર્ષોથી કોમન ડ્રિંક જે ચાલી રહ્યું છે તે છે ગરમ પાણીમાં લીંબુ અને મધ મિક્ષ કરીને પીવું.
વજન ઓછુ કરવા તમે પણ પીવો છો લીંબુ પાણી?
શું હકીકતે વજન ઓછુ કરે છે ગરમ પાણી અને લીંબુ?
જાણો તેના વિશેની હકીકત
વજન ઓછુ કરવા માટે લોકો ઘણી પદ્ધતીઓ અપનાવે છે. જેમાં સલાડ ખાવો. જીમ જઈને એક્સરસાઈઝ કરવી, પ્રોટીન શેક પીવો, યોગ કરવો વગેરેનો સમાવેશ થાય છે. પરંતુ ત્યાં જ વજન ઓછુ કરવા માટે એક સૌથી કોમન રીત માનવામાં આવે છે અને તે છે સવારે ઉઠીને ખાલી પેટે ગરમ પાણી અને લીંબુ પીવું. આપણીમાંથી મોટાભાગના લોકો એ સાંભળીને જ મોટા થયા છે કે સવારે 1 ગ્લાસ ગરમ પાણીમાં લીંબુ અને મધ નાખીને પીવાથી વજન ઓછુ થઈ જાય છે.
શું હકીકતે વજન ઓછુ કરે છે ગરમ પાણી અને લીંબુ?
મોટાભાગના લોકો જેમણે હાલ પોતાની ફિટનેસ જર્ની શરૂ કરી છે તેમના મનમાં એક વાત પહેલાથી જ છે કે દરરોજ સવારે ઉઠીને ગરમ પાણીમાં લીંબુ મિક્ષ કરીને પીવાનું છે. જેથી તેમનું વજન જલ્દી ઘટી જાય. મોટાભાગના નિષ્ણાંતો પણ સલાહ આપે છે કે દિવસની શરૂઆત લીંબુ પાણી પીને કરવી જોઈએ. પરંતુ શું તે હકીકતમાં વજન ઓછુ કરવામાં મદદ કરે છે?
બની શકે છે કે તમે હજુ સુધી આ વિશે જાણવાનો પ્રયત્ન ન કર્યો હોય. બસ તમને કોઈએ કહ્યું અને તમે પીવાનું શરૂ કરી દીધુ. જો તમે પણ આ વાતની હકીકત જાણવા માંગો છો તો વાંચી લેજો...
શું કહે છે એક્સપર્ટ અને સ્ટડી
એક્સપર્ટનું કહેવું છે કે સીધુ ગરમ પાણીમાં લીંબુ અને મધ નાખીને પીવાથી વજન ઓછુ નથી થઈ શકતું. તેનું વજન ઘટવાને લઈને કોઈ લેવાદેવા નથી. માટે સીધી રીતે ખાલી પેટ લીંબુ અને ગરમ પાણીનું સેવન કરવાથી વજન ઘટાડવા અને ચરબી ઓછી કરવામાં સીધી રીતે મદદ નથી મળતી. પરંતુ તમે કેલેરી વાળી ડ્રિંક પીવાની જગ્યા પર ગરમ પણીમાં લીંબુ નાખીને પીવો છો તો વજન ઓછુ કરવામાં મદદ મળી શકે છે.
તેનું કારણ એ છે કે તેમાં અન્ય ડ્રિંક્સ જેવા કે સોડા, પેકિંગ ફ્રૂટ જ્યુસના પ્રમાણમાં ઓછી કેલેરી હોય છે. જી હાં, અમુક સ્ટડી જણાવે છે કે લીંબુ પાણી પીવાથી ભુખને ઓછી કરવામાં મદદ મળે છે. જેનાથી વજન ઓછુ કરવામાં મદદ મળી શકે છે.
લીંબુ પાણીથી શરીર હાઈડ્રેટ રહે છે
લીંબુ પાણીથી શરીર હાઈડ્રેટ રહે છે જે વજન ઓછુ કરવા માટે ખૂબ જરૂરી છે. આવું એટલા માટે કારણ કે ક્યાંરેય જ્યારે આપણને તરસ લાગે છે તો આપણી પાણીની જગ્યા પર ખાવાનું મન કરે છે. એવામાં અમુક વસ્તુઓ ખાવાથી વધારે કેલેરી શરીરમાં આવે છે. હવે જો કોઈ ગરમ પાણી અને લીંબુ-શરબતનું સેવન કરે છે તો તેનું શરીર હાઈડ્રેટ રહે છે અને તરસ નથી લાગતી. તરસ નહીં લાગે તો કંઈ ખાવાનું પણ મન નહીં થાય અને શરીરમાં એક્સ્ટ્રા કેલેરી નહીં જાય.
જર્નલ ઓફ ક્લિનિકલ બાયોકેમેસ્ટ્રી એન્ડ ન્યુટ્રિશનમાં પબ્લિશ એક સ્ટડીમાં મળી આવ્યું હતું કે લીંબુના રસમાં મળી આવતા પોલીફેનોલ્સ અને લીંબુની છાલ લિવરની ફેટ બાળવાની પ્રોસેસને વધારે છે. પરંતુ સ્ટડી ઉંદર પર થઈ હતી. જેમને હાઈ ફેટ વાળુ ભોજન આપવામાં આવતું હતું. માટે આ પરિણામ મનુષ્યો પર ત્યાં સુધી લાગુ નથી થતા જ્યાં સુધી તમે કેટોજેનિક ડાયેટ એટલે કે હાઈ ફેટ ડાયેટ પર ન હોવ.
લીંબુમાં પેક્ટિન નામનું ફાયબર હોય છે જે ભૂખ અને કેલેરીના પ્રમાણને ઓછુ કરવામાં મદદ કરે છે. લીંબુ પાણીમાં લીંબુ ઓછા પ્રમાણમાં હોય છે માટે ઘણા ઓછા પ્રમાણમાં પેક્ટિન શરીરને મળે છે. એક આખા લીંબુના રસમાં 1 ગ્રામથી પણ ઓછુ ફાયબર હોય છે. હવે એવામાં પેક્ટિનનું ઓછુ પ્રમાણ શરીરને મળવાના કારણે ભૂખ ઓછી કરવા અને કેલેરીનું પ્રમાણ ઓછુ કરવાના વધારે ગુણ જોવા નથી મળતા.
આ વાતનો કોઈ પુરાવો નથી કે વજન ઘટાડવા માટે સાદા પાણીની તુલનામાં લીંબુ પાણીનો કોઈ વધારે લાભ નથી થતો. પરંતુ લીંબુનો રસ કેલેરીમાં ઓછો હોય છે. જો તમે અન્ય ખાંડ વાળી ડ્રિંક, સોડા, કોલ્ડ્રિંકની જગ્યા પર લીંબુ શરબત પીવો છો તો ઓછી કેલેર ઈન્ટેક કરવાના કારણે વજન ઓછુ કરવામાં મદદ મળી શકે છે.