અમદાવાદનાં હિમાલયા મોલમાં બીગ બજારમાં તોલમાપ દ્વારા દરોડા પાડવામાં આવ્યાં છે. તેમાં MRP કરતા વધારે નાણાં લેવાતા હોવા મુદ્દે દરોડા પાડવામાં આવ્યાં હતાં. બીગ બજારમાં MRP ટેગ વગરની વસ્તુ મળી આવી છે. MRPનાં ટેગ વગર વસ્તુ વેચાતી હોવાની ફરીયાદ હતી.
ટેગ વગરની વસ્તુ મળતા બીગ બજાર પર કાર્યવાહી કરાશે. મોલમાં કિંમત કરતા વધારે નાણાં લેતા હોવાની પણ ગંભીર ફરીયાદ હતી. આ મામલે રાષ્ટ્રીય ગ્રાહક સુરક્ષા એજન્સીનાં ચેરમેને નિવેદન આપતા જણાવ્યું કે, '15મી ઑગસ્ટે જ્યારે હું અહીં મુલાકાતે આવ્યો હતો ત્યારે મારા ધ્યાન પર આવ્યું હતું કે, ફ્રુટ્સનાં પેકેટ પર જે લીગલ મેટ્રોલોજી પેકેજ કોમડીટીઝ રૂલ્સ 2011ની જોગવાઇ મુજબ પૂરેપરાં ડેક્લેરેશન દર્શાવવામાં આવતા નથી.
આ ઉપરાંત ઘણાં પેકેટો પરથી તો કોઇ એમઆરપી કે એનું વજન કે કોઇ પેકેજનું નામ, સરનામું કે પ્રોડક્ટ વિશે કોઇ પણ વિગતો ન હોવાંથી ગ્રાહકોને બહુ અન્યાય થઇ રહ્યો છે. એટલાં માટે મેં ફરિયાદ કરેલી અને આજે એ ફરિયાદનાં અનુસંધાનમાં તોલમાપનાં અધિકારીઓ ચેકિંગમાં આવેલા છે. ત્યારે એ ફરિયાદ સાચી ઠરેલી છે જેથી બીગ બજારને કાયદા અનુસાર, એની ઉપર દંડનાત્મક કાર્યવાહી થશે.