અહેવાલ / ગ્લોબલ રિપોર્ટમાં ભારતના ખરાબ પ્રદર્શન પર ભડક્યા રાહુલ ગાંધી, કહ્યું- આ સંઘની માનસિકતાના લીધે... 

• રાહુલ ગાંધીએ મોદી સરકાર પર સાધ્યું નિશાન 
• મોદી સરકાર સંઘની માનસિકતા પ્રમાણે કરી રહી છે કામ : રાહુલ ગાંધી 
• કોંગ્રેસના પૂર્વ અધ્યક્ષે મોદી સરકારની નીતિ પર કર્યા પ્રહાર 

મહત્વનું છે કે વર્લ્ડ ઈકોનોમિક ફોરમની ગ્લોબલ જેન્ડર ગેપની રિપોર્ટ જાહેર કરવામાં આવી હતી અને આ રિપોર્ટમાં ભારતની સ્થિતિ ઘણી ખરાબ બતાવાઈ છે. નોંધનીય છે કે અગાઉની તુલનામાં આ રિપોર્ટમાં ભારતનું સ્થાન 28 ટકા નીચે ગગડયું છે, અને ભારત હાલમાં 156 દેશોની આ લિસ્ટમાં 140માં ક્રમે આવી પહોંચ્યું છે. 

संघ की मानसिकता के अनुसार केंद्र सरकार महिलाओं को अशक्त करने में लगी है- ये भारत के लिए बहुत ख़तरनाक है। pic.twitter.com/w3sknXcEfr

— Rahul Gandhi (@RahulGandhi) April 1, 2021

સરકાર મહિલાઓને અશક્ત કરવામાં લાગી ગઈ છે : રાહુલ ગાંધી 

આ મુદ્દે રાહુલ ગાંધીએ કેન્દ્રની મોદી સરકાર પર નિશાન સાધ્યું હતું અને કહ્યું હતું કે કેન્દ્ર સરકાર રાષ્ટ્રીય સ્વયંસેવક સંઘની માનસિકતા પ્રમાણે ભારતની મહિલાઓને અશક્ત કરવામાં લાગી ગઈ છે, અને આ ભારત માટે ઘણું ખતરનાક છે. મહત્વનું છે કે તાજેતરમાં પીએમ મોદી કોરોના કાળમાં એક લાંબા વિરામ પછી જે દેશની વિદેશ યાત્રાએ ગયા હતા, તે બાંગ્લાદેશ ભારતથી ઘણું નાનું છે, તેમ છતાં પણ ભારત તેનાથી આ રિપોર્ટમાં પાછળ છે. 

મહત્વનું છે કે હાલની આ રિપોર્ટ અનુસાર ભારત 156 દેશોની નવી લિસ્ટમાં 140 માં ક્રમે છે, જે 2020માં 153 દેશોના લિસ્ટમાં 112માં ક્રમે હતું, તે સ્થાનમાં 28 ક્રમનો ઘટાડો નોંધાયો છે. આમ ભારતમાં મોદી સરકારના શાસનમાં મહિલાઓની સ્થિતિ વણસી હોવાનો કોંગ્રેસ નેતા રાહુલ ગાંધીએ આડકતરો આક્ષેપ કર્યો હતો.