તમારા કામનું / લગ્નગાળા પહેલા અચાનક સોનાના ભાવમાં થયા મોટા બદલાવ, હજુ પણ આટલી સસ્તી કિંમતમાં મળી રહ્યું છે ગોલ્ડ

• સોનાના ભાવ એક વખત ફરીથી વધ્યા
• પ્રારંભિક મહિનાના ભાવની સરખામણીએ સોનાના ભાવ ઓછા
• શુક્રવારે સોનાનો ભાવ 52,277 રૂપિયા પ્રતિ 10 ગ્રામ પર બંધ થયો 

દિવાળી પૂર્ણ થયા બાદ સોનાની કિંમતોએ ગતિ પકડી

ચાલુ નાણાંકીય વર્ષના પ્રારંભિક મહિનાના ભાવની સરખામણીએ સોનાના ભાવ ઓછા છે. જો કે, દિવાળી પૂર્ણ થયા બાદ સોનાની કિંમતોએ ગતિ પકડી છે. આ અઠવાડિયાના અંતિમ કારોબારી દિવસ શુક્રવારે સોનાના ભાવ 52,277 રૂપિયા પ્રતિ 10 ગ્રામ પર બંધ થયો છે. 

આ અઠવાડિયે સોનાનો ભાવ 

લગ્નની સિઝનની અસર સોનાના ભાવ પર દેખાઈ રહી છે. આ અઠવાડિયાના પ્રારંભિક દિવસ સોમવારે સોમવારે સોનાનો ભાવ 50,960 રૂપિયા હતો. મંગળવારે માર્કેટ બંધ હતુ. બુધવારે ભાવ વધીને 51,502 રૂપિયા થયો. ગુરૂવારે ભાવ 51,619 પર બંધ થયો અને શુક્રવારે આ 52,277 રૂપિયા પર ક્લોઝ થયા. 

આ અઠવાડિયે કેટલુ મોંઘુ થયુ સોનુ? 

IBJA Rates મુજબ, ગયા અઠવાડિયાની સરખામણીએ આ અઠવાડિયે સોનાના ભાવમાં વધારો નોંધાયો છે. ગયા અઠવાડિયાના વેપારના અંતિમ દિવસે સોનાના ભાવ 50,513 રૂપિયા પ્રતિ 10 ગ્રામ પર બંધ થયો હતો. જે મુજબ આ અઠવાડિયે ગોલ્ડના ભાવમાં 1764 રૂપિયા પ્રતિ 10 ગ્રામનો વધારો આવ્યો છે.  

માર્ચમાં સૌથી વધુ કિંમત

આ વર્ષે માર્ચ મહિનામાં સોનાના ભાવ 54,330 રૂપિયે હતો. જે આ વર્ષનો અત્યાર સુધીનો સૌથી ઊંચો ભાવ છે. જો આ મુજબ જોઇએ તો અત્યારે સોનુ 2053 રૂપિયે સસ્તુ છે. રશિયા-યુક્રેન યુદ્ધ શરૂ થયા બાદ દેશમાં સોનાના ભાવમાં ઘટાડો જોવા મળ્યો હતો.