વેડિંગ સ્પેશ્યિલ / લહેંગો ખરીદતા ભૂલથી પણ ન કરશો આ કામ, શોપિંગમાં ધ્યાન રાખો આ બાબતો

• બ્રાઈડ લહેંગાની પસંદગીમાં રાખે આ વાતનું ધ્યાન
• ડિસ્કાઉન્ટની લાલચમાં ન આવશો
• લહેંગાની સાથે દુપટ્ટા અને બજેટનું પણ રાખો ધ્યાન

પહેલાં કરો રિસર્ચ

લગ્નની ખરીદીમાં ઘણો સમય લાગે છે. દરેક ચીજને ધ્યાનથી ખરીદવાની હોય છે. માર્કેટમાં બ્રાઈડલ લહેંગામાં અનેક પેટર્ન મળી રહે છે. તમે પણ તમારા માટે યોગ્ય ડિઝાઈન પસંદ કરી લો. શોપિંગ પહેલાં રિસર્ચ કરો જેના કારણે શોરૂમમાં જઈને શોપિંગ કરવામાં તકલીફ ન પડે. 

ડિસ્કાઉન્ટની લાલચમાં ન પડો

અનેક વાર સેલ અને ડિસ્કાઉન્ટમાં તમે ખોટી ચીજ ખરીદી લો તે શક્ય છે. શક્ય છે તમે ડિફેક્ટેડ વસ્તુ ખરીદી લો. આવું ન કરો. તે તમારો પ્રસંગ બગાડી શકે છે. 

બજેટ બનાવીને ચાલો

લહેંગાની શોપિંગ પહેલાં એક બજેટ બનાવી લો. તમે નક્કી કરો કે કેટલી કિંમતમાં લહેંગો ખરીદવાનો છો. તેનાથી તમારો સમય બચશે. યોગ્ય સમયે તમે સારી રીતે લહેંગો ખરીદી શકશો.

વધારે લોકોને શોપિંગમા ન લઈ જાવ

જ્યારે પણ તમે લહેંગાની શોપિંગ કરવા જાઓ છો ત્યારે વધારે લોકોને સાથે ન લઈ જાવ. એકથી વધારે ઓપિનિયનના કારણે તમે કન્ફ્યુઝ થશો અને ખોટી વસ્તુ ખરીદી લેશો. ક્યાં તો તમે તમારી મમ્મીને લઈ જાવ અથવા તમારી બેસ્ટ ફ્રેન્ડ્સને લઈ જાવ. 

લહેંગાની સાથે દુપટ્ટા પર પણ રાખો નજર

ફ્કત લહેંગો જ નહીં, તેના બ્લાઉઝ અને દુપટ્ટા પર પણ ધ્યાન રાખો. દુપટ્ટો પણ હેવી વર્ક વાળો હોય તે જરૂરી છે. અનેક વાર તેમાં લાગેલા સ્ટોન ખરાબ હોઈ શકે છે. હેવી લહેંગો પસંદ કરો તો એકવખત તેને પહેરીને પણ ચેક કરો. તેમાં તમને કમ્ફર્ટ લાગે તો જ ખરીદો.