મહિલા કંઈક નવુ ટ્રાય કરવા માંગતી હતી અને ફાઉન્ડેશન લગાવ્યા પછી તેણે સ્ટીમ લીધુ. આ પછી તરત જ તેનો ચહેરો કાળો પડી ગયો અને સોજી ગયો. હાલ પરિવારજનોએ બ્યુટી પાર્લરના માલિક વિરુદ્ધ પોલીસમાં ફરિયાદ નોંધાવી છે.
મેકઅપ બાદ દુલ્હનનો ચહેરો કાળો પડી ગયો
વરરાજાએ તેની હાલત જોઈને લગ્ન કેન્સલ કરી દીધા
યુવતી હાલ હોસ્પિટલમાં સારવાર હેઠળ છે
કર્ણાટકના હાસન જિલ્લામાંથી લગ્ન તૂટવાનો એક વિચિત્ર કિસ્સો પ્રકાશમાં આવ્યો છે. અહીં લગ્ન પહેલા મહિલા મેકઅપ કરવા માટે ગઈ હતી. આ દરમિયાન તેનો ચહેરો કાળો પડી ગયો હતો. ત્યારબાદ વરરાજાએ તેની હાલત જોઈને લગ્ન કેન્સલ કરી દીધા હતા. આ ઘટના જિલ્લાના અરાસિકેરેની છે. હાલ મહિલા હોસ્પિટલમાં સારવાર હેઠળ છે.
મીડિયા રિપોર્ટ અનુસાર મહિલા કંઈક નવુ ટ્રાય કરવા માંગતી હતી અને ફાઉન્ડેશન લગાવ્યા પછી તેણે સ્ટીમ લીધુ. આ પછી તરત જ તેનો ચહેરો કાળો પડી ગયો અને સોજી ગયો. મહિલાના પરિવારજનોએ બ્યુટી પાર્લર ગંગાના માલિક વિરુદ્ધ પોલીસમાં ફરિયાદ નોંધાવી છે. પોલીસ માલિકને બોલાવીને તેની પૂછપરછ કરી રહી છે.
મેકઅપ કરવો ભારે પડ્યો
લગ્નના દિવસે પાર્લર જવુ સુંદર દેખાવું દરેક દુલ્હનનું સપનું હોય છે. તેના માટે દુલ્હન બેસ્ટ બ્યુટી પાર્લરમાં જઈને તૈયાર થઈ જાય છે. ઘણા દિવસો પહેલા મેકઓવર શરૂ થાય છે, જેના માટે ઘણા પૈસા ખર્ચવા પડે છે. પરંતુ આ મેકઅપને કર્ણાટકના હસન જિલ્લાની એક યુવતી પર ભારે પડી ગયો છે અને તે હોસ્પિટલ પહોંચી છે.એટલું જ નહીં ચહેરો બગડતાં વરરાજા અને તેના સંબંધીઓએ લગ્ન કરવાની ના પાડી દીધી હતી.
યુવતીની હોસ્પિટલમાં સારવાર ચાલી રહી છે
હાલ યુવતીને આઈસીયૂમાં દાખલ કરવામાં આવી છે. જ્યાં તેની સારવાર ચાલી રહી છે. જ્યારે યુવતીના પરિજનોએ પોલીસમાં પાર્લર વિરુદ્ધ કેસ દાખલ કર્યો છે. જણાવવામાં આવી રહ્યું છે કે જિલ્લાના અરસીકેરે શહરેના જબાં જજૂર ગામની રહેવાસી યુવતીનો ચહેરો બ્યુટી પાર્લરમાં મેકઓવર કર્યા બાદ કાળો થઈ ગયો અને સોજી ગયો હતો. જોઈને એવું લાગતુ હતું કે ચહેરો બળી ગયો છે. યુવતીની હાલત જોઈને પરિવારજનો રડી રહ્યા છે.