નિયમભંગ / વડોદરામાં રાત્રી કર્ફ્યૂના ઉડ્યા ધજાગરા, મોડી રાત્ર સુધી લગ્નમાં ડીજે વાગ્યું, જુઓ VIDEO

• નવાયાર્ડમાં રાત્રિ કર્ફ્યૂ ભંગ કરી ડીજે પાર્ટીનો મામલો
• ફતેગંજ પોલીસે મોડે મોડે ગુનો કર્યો દાખલ
• જાહેરનામા ભંગ,રાત્રી કર્ફ્યૂ ભંગનો ગુનો કર્યો દાખલ

વડોદરામાં ફરી નિયમોના ધજાગરા ઉડાવતા દ્રશ્યો સામે આવ્યા છે. વડોદરાના નવા યાર્ડમાં રાત્રી કર્ફ્યૂ દરમિયાન નિયમોનો ભંગ કરવામાં આવ્યો હતો. યુવકના લગ્નની ડીજે પાર્ટીમાં મોડીરાત સુધી નાચગાન ચાલ્યું હતું. નવાયાર્ડ ડી-કેંટીન પાસેના ફૂલવાડી મહોલ્લામાં પ્રસંગમાં કોરોના નિયમોનું ઉલ્લંઘન જોવા મળ્યું હતું. નિયમના છેદ ઉડાવી યોજાયેલા પ્રસંગમાં બુટલેગરોની પણ હાજરી જોવા મળી હતી. 

બુટલેગર ઇમરાન પોપટ, સદામ મહેબુબ, વનરાજ ઠાકોરની હાજરી હતી. અહેમદખાન પઠાણ,શહેબાઝખાન, મુન્નો ઉર્ફે કાણીયો પણ હાજર હતો. જ્યારે ફૈસલ પઠાણ,મૌસીન પઠાન, સાહીર રાઠોડ પાર્ટીમાં હતા. ત્યારે પોલીસે જાહેરનામા ભંગ,રાત્રી કર્ફ્યૂ ભંગનો ગુનો દાખલ કર્યો છે. અને લગ્ન પાર્ટીમાં સામેલ 5 લોકોની અટકાયત કરી છે. ત્યારે સવાલો ઉઠી રહ્યા છે કે કોરોનાના કહેર વચ્ચે નિયમોનું ઉલ્લંઘન કેમ?. આમ કેવી રીતે કોરોના સામે જંગ જીતીશું?. વડોદરા પોલીસ નાઇટ પેટ્રોલિંગમાં શું કરે છે?.