મધ્ય પ્રદેશના ઈન્દોરમાંથી પોલીસે એક દુલ્હાની ધરપકડ કરી છે. બેંકમાં તેની સાથે કામ કરનારી યુવતી સાથે તેનો પ્રેમ પ્રસંગ ચાલી રહ્યો હતો. લગ્નનુ વચન આપીને યુવકે ઘણી વખત પ્રેમિકા સાથે શારીરીક સંબંધ બનાવ્યા હતા અને ત્યારબાદ તે ચુપચાપ બીજી યુવતી સાથે લગ્ન કરવા લાગ્યો.
યુવકે લગ્નનુ વચન આપી યુવતી સાથે કર્યુ દુષ્કર્મ
યુવકે ઘણી વખત પ્રેમિકા સાથે બનાવ્યાં શારીરિક સંબંધ
પ્રેમિકાને જેવી આ વાતની ખબર પડી કે તેણે પોલીસ સ્ટેશનમાં ફરિયાદ નોંધાવી અને જાન લઇ જતા પહેલા દુલ્હાને દુષ્કર્મના આરોપમાં જેલહવાલે કરવામાં આવ્યો. આરોપી રાજગઢ જિલ્લાનો સારંગપુરનો રહેવાસી છે. બેંકમાં ઈન્શ્યોરન્સનું કામ કરે છે અને તેની સાથે કામ કરનારી યુવતીની સાથે તેને બે વર્ષથી પ્રેમ પ્રકરણ ચાલતુ હતુ. જ્યારે પ્રેમિકાને આ વાતની ખબર પડી કે તેનો પ્રેમી ચુપચાપ લગ્ન કરી રહ્યો છે, તો તે સારંગપુર પહોંચી અને પોલીસ ફરિયાદ નોંધાવવાનો પ્રયાસ કર્યો. પરંતુ પોલીસે કહ્યું કે આ મામલે રિપોર્ટ ઈન્દોરમાં લખવામાં આવશે. તો યુવતી તાત્કાલિક ઈન્દોરમાં આવી વિજય નગર પોલીસ સ્ટેશનમાં ફરિયાદ નોંધાવી. જેને પગલે કાર્યવાહી કરતા પોલીસે તાત્કાલિક એક ટીમને સારંગપુર મોકલી અને દુલ્હાની ધરપકડ કરી ઈન્દોર લાવવામાં આવ્યો.
પોલીસે આરોપીની સામે દુષ્કર્મનો કેસ નોંધ્યો
જાણકારી મુજબ દુલ્હાની જાન બુધવારે સારંગપુરથી ખિલચીપુર જવાની હતી. પરંતુ મંગળવારની રાત્રે પોલીસે તેની ધરપકડ કરી. પોલીસે આરોપીની સામે દુષ્કર્મનો કેસ નોંધ્યો છે. ઘોડી ચઢતા પહેલા વરરાજા જેલહવાલે થયો. વિજય નગર પોલીસ સ્ટેશનના ઈન્ચાર્જ તહજીબ કાજી મુજબ મોડી રાત્રે પોલીસ સ્ટેશન પર એક યુવતી આવી હતી અને તે પરેશાન જોવા મળી હતી. યુવતીએ પોલીસને જણાવ્યું કે તેનો એક યુવક સાથે પ્રેમ સંબંધ હતો અને તેણે તેનુ શારીરીક શોષણ કર્યુ છે.