જાહેર સેવા / વડોદરાની હોસ્પિટલોમાં ખાલી બેડની માહિતી માટે જાહેર કરી આ વેબસાઈટ અને હેલ્પલાઈન નંબર

વડોદરામાં બેકાબૂ બનતો કોરોના 
પાલિકાએ હેલ્પલાઇન નંબર કર્યો જાહેર 
18002330265 ટોલ ફ્રી નંબર જાહેર કર્યો

વડોદરામાં કોરોના બેકાબૂ બની રહ્યો છે. ત્યારે વધતા કોરોનાના કેસોને લઇને પાલિકાએ હેલ્પલાઇન નંબર જાહેર કર્યા છે. કોરોના અંગેની માહિતી મળી રહે તે માટે ટોલ ફ્રી નંબર જાહેર કરવામાં આવ્યો છે. લોકો 18002330265 ટોલ ફ્રી નંબર પર ફોન કરી માહિતી મેળવી શકશે. તેમજ www.vmc.gov.in પરથી હોસ્પિટલોમાં ખાલી બેડની સ્થિતિ પણ જાણી શકાશે. આ સાથે જ સયાજી હોસ્પિટલ માટે- 9313705215, 9313895400 અને ગોત્રી હોસ્પિટલ માટે- 7434964229, 8866487371 નંબર જાહેર કર્યા છે.

તો આ સાથે વડોદરામાં વધતા કોરોના સંક્રમણ વચ્ચે પાલિકા દ્વારા આરોગ્ય વિભાગની પરીક્ષાનું આયોજન કરવામાં આવ્યુ હતું. મેડિકલ ઓફિસર, ફાર્માસિસ્ટ, લેબ ટેક્નિશિયનની 297 જેટલી પોસ્ટ માટે પરીક્ષા લેવામાં આવી હતી. શહેરની 82 સ્કૂલોના 810 બ્લોકમાં પરીક્ષાનું આયોજન કરવામાં આવ્યું હતું. ઉલ્લેખનીય છે કે આરોગ્ય વિભાગની 297 પોસ્ટ માટે 24,600 જેટલા ઉમેદવારો મેદાને છે.