આગાહી / આગામી 48 કલાક જમ્મૂ-કાશ્મીર, હિમાચલ પ્રદેશ અને ઉત્તરાખંડમાં ભારે હિમવર્ષાની ચેતવણી

• હિમાચલમાં આગામી 48 કલાકમાં હિમવર્ષાની ચેતવણી
• ભારે હિમવર્ષા અને વરસાદને લઇને ઓરેન્જ એલર્ટ
• ઉત્તરાખંડ, જમ્મૂ-કાશ્મીરમાં હિમવર્ષાની ચેતવણી

જમ્મૂ-કાશ્મીરમાં રવિવાર તેમજ સોમવારે ભારે વરસાદ સાથે હિમવર્ષાની ચેતવણી આપવામાં આવી છે. જ્યારે ઉત્તરાખંડમાં પણ હવામાનમાં પલટો જોવા મળી શકે છે. 

હવામાન વિભાગે શિમલામાં 13 અને 16 જાન્યુઆરી માટે ચેતાવણી જાહેર કરી છે. જ્યારે 17 જાન્યુઆરી સુધી હિમવર્ષાની આગાહી કરવામાં આવી છે. 

જમ્મૂ-કાશ્મીર અને લદ્દાખમાં આગામી 48 કલાકમાં ફરી હવામાનમાં પલટો આવશે. પહાડી વિસ્તારમાં ભારે હિમવર્ષ અને કેટલાક મેદાની વિસ્તારમાં વરસાદ પડશે. જ્યારે લેહ, પહલગામ અને ગુલમર્ગમાં કડકડતી ઠંડી પડવાથી જનજીવન અસ્તવ્યસ્ત જોવા મળશે. 

ઉલ્લેખનીય છે કે ભાર હિમવર્ષાના પગલે ગુજરાતથી વૈષ્ણોદેવી યાત્રા કરવા ગયેલા ખેડા અને આણંદ જિલ્લાના 180 જેટલા પ્રવાસીઓ ફસાયા છે. બરફ વર્ષા અને લેન્ડ સ્લાઇડના કારણે હાઇવે બંધ થયો છે. જેને લઇને બે દિવસથી ગુજરાતી પ્રવાસીઓ ફસાયા છે.