મહત્વનું છે કે, ઉત્તર ભારતમાં ગરમીએ કહેર મચાવવાનો શરૂ કરી દીધો છે. ત્યારે દેશની રાજધાની દિલ્હીમાં આજે લઘુત્તમ તાપમાન વધશે તો રાજસ્થાન સહિત કેટલાંક રાજ્યોમાં બપોર બાદ ગરમીનું મોજું ફરી વળવાની શક્યતા છે. તો બીજી બાજુ આંદામાન-નિકોબાર, કેરળ સહિત કેટલીક જગ્યાએ વરસાદ વરસી શકે છે. હવામાન વિભાગના જણાવ્યાં અનુસાર, દિલ્હીમાં આજે લઘુત્તમ તાપમાન 21 ડિગ્રી સેલ્સિયસ રહેશે તો મહત્તમ તાપમાન 36 ડિગ્રી સેલ્સિયસ સુધી રહેશે. હોળીના આજના દિવસે સૂર્ય ભારે અગ્નિ વરસાવશે. ત્યારે આગામી દિવસોમાં પણ દિલ્હીમાં તાપમાનમાં વધુ વધારો થવાની સંભાવના છે.
જાણો દેશના કયા-કયા વિસ્તારોમાં પડશે કાળઝાળ ગરમી?
મધ્યપ્રદેશના ભોપાલમાં પણ લઘુત્તમ તાપમાનમાં વધારો થવા જઈ રહ્યો છે. આજે લઘુત્તમ તાપમાન 19 ડિગ્રી અને મહત્તમ તાપમાન 40 ડિગ્રી સેલ્સિયસ રહેશે. હવામાન વિભાગના જણાવ્યાં અનુસાર, ચંદીગઢમાં આજનું લઘુત્તમ તાપમાન 22 ડિગ્રી સેલ્સિયસ રહેશે, જ્યારે મહત્તમ તાપમાન 37 ડિગ્રી સેલ્સિયસ રહી શકે છે. આકાશમાં તેજસ્વી સૂર્યપ્રકાશ હશે. આ ઉપરાંત દહેરાદૂનમાં પણ તાપમાનનો પારો સતત વધી રહ્યો છે. અહીં લઘુત્તમ તાપમાન 17 ડિગ્રી અને મહત્તમ તાપમાન 33 ડિગ્રી સેલ્સિયસ રહી શકે છે.
બીજી તરફ જમ્મુની વાત કરીએ તો અહીં લઘુત્તમ તાપમાન 17 ડિગ્રી રહેવાની સંભાવના છે, જ્યારે મહત્તમ તાપમાન 32 ડિગ્રી સેલ્સિયસ રહી શકે છે. આ સિવાય લખનૌમાં આજે ખૂબ જ ગરમી રહેશે. અહીં લઘુત્તમ તાપમાન 23 ડિગ્રી સેલ્સિયસ રહેશે, ત્યારબાદ મહત્તમ તાપમાન 37 ડિગ્રી સેલ્સિયસ રહેશે. બપોરે, તેજસ્વી સૂર્યપ્રકાશ હશે. બિહારની રાજધાની પટનાની વાત કરીએ તો અહીં પણ આજે લઘુત્તમ તાપમાનમાં વધારો થવા જઈ રહ્યો છે.
પટનાનું લઘુત્તમ તાપમાન 21 ડિગ્રી સેલ્સિયસ રહેશે. મહત્તમ તાપમાનની વાત કરીએ તો તે 37 ડિગ્રી સેલ્સિયસ રહેશે. હિમાચલ પ્રદેશના શિમલા શહેરની વાત કરીએ તો અહીં લઘુત્તમ તાપમાન 18 ડિગ્રી સેલ્સિયસ રહેશે જ્યારે મહત્તમ તાપમાન 28 ડિગ્રી સેલ્સિયસ રહેશે.
આ રાજ્યોમાં આજે વરસાદની આગાહી
દરરોજની જેમ આજે પણ દેશના કેટલાંક ભાગોમાં હળવો વરસાદ વરસી શકે છે. Skymetweather અનુસાર, આજે આંદામાન અને નિકોબાર ટાપુઓમાં વરસાદ વરસશે. કેરળના કેટલાંક ભાગોમાં પણ આજે હળવો વરસાદ થવાની સંભાવના છે. તદુપરાંત રાજસ્થાન, ગુજરાત, હિમાચલ પ્રદેશ, મધ્યપ્રદેશના ભાગોમાં ગરમીનું મોજું યથાવત રહેવાની શક્યતા છે. સાથે રાજસ્થાનમાં પણ ગરમીનું મોજું ફરી વળશે.