હવામાન / ગરમીમાં નહીં મળે કોઈ ડિસ્કાઉન્ટ! હજુ થોડા દિવસ રહેશે આભમાંથી વરસતી આગ, જાણો ક્યારે પડશે વરસાદ

• ગરમીમાં હજુ નહીં મળે રાહત 
• આ વિસ્તારોમાં ચડશે ગરમીનો પારો 
• જાણો કયા વિસ્તારમાં પડશે વરસાદ  

ગરમીથી રાહત મળે તેની રાહ જોઈને બેઠા હોવ તો ભૂલી જજો કારણ કે હજુ થોડા દિવસોની ગરમીનો સામનો કરવાનો છે. હવામાન વિભાગના જણાવ્યા અનુસાર દક્ષિણ-પશ્ચિમ ચોમાસું ટૂંક સમયમાં આવી રહ્યું છે. પણ એ પહેલા બીજા કેટલાક દિવસ ગરમીનો પારો દેશના ઘણા વિસ્તારોમાં ચડેલો જ રહેશે. 

ક્યારે આવશે ચોમાસું

15 મેના રોજ, આંદામાન અને નિકોબાર ટાપુઓ પર પ્રથમ વરસાદનો પડી શકે છે. વરસાદની રાહ જોઈ રહેલા લોકો માટે આ મહત્વના સમાચાર છે.  જ્યારે એના માત્ર 4 દિવસ પહેલા જ એટલે કે 26 મેના રોજ કેરળમાં પ્રવેશ કરશે.

દિલ્હીમાં હજુ 45 ડિગ્રી રહેશે તાપમાન

હવામાન વિભાગે રવિવારે દિલ્હીમાં તાપમાન 46 ડિગ્રી સેલ્સિયસ સુધી પહોંચવાની આગાહી કરી છે. હવામાન વિભાગના જણાવ્યા અનુસાર મેના રોજ પહાડોમાં ભારે વરસાદની આશંકા છે યુપીના બરેલી સહિત અનેક રાજ્યોને અને વિસ્તારોને તેની અસર થશે. 15 થી 20 કિમી પ્રતિ કલાકની ઝડપે પવન ફૂંકાશે.

આ પરિબળોને કારણે હવામાનમાં ફેરફાર
હવામાન નિષ્ણાંતો અનુસાર દરિયાકાંઠાના આંધ્ર પ્રદેશ પર ચક્રવાતી પવનનો વિસ્તાર બની રહ્યો છે, જે સરેરાશ દરિયાની સપાટીથી 5.8 સુધી લાંબો છે. અન્ય સાયક્લોન સર્ક્યુલેશન મધ્ય પ્રદેશના ઉત્તર પશ્ચિમ ભાગો પર છે. પશ્ચિમ મધ્ય પ્રદેશમાં ચક્રવાતી પવનોના વિસ્તારથી બિહાર સુધી લંબાય છે. 

ભારતીય હવામાન વિભાગના જણાવ્યા અનુસાર, બીજી ટ્રફ લાઇન બિહારથી ઓરિસ્સા તરફ જઈ રહી છે. મે મહિનાથી પશ્ચિમ હિમાલયમાં ફરીથી વેસ્ટર્ન ડિસ્ટર્બન્સ ત્રાટકે તેવી શક્યતા છે

આ રાજ્યોમાં ગરમી વર્તાશે
રાજસ્થાનના કેટલાક વિસ્તારોમાં તીવ્ર ગરમીનું મોજું પડી રહ્યું છે. પૂર્વ રાજસ્થાન, મધ્યપ્રદેશ, હરિયાણા, ગુજરાતના દિલ્હી કેટલાક ભાગો, વિદર્ભ અને પંજાબના વિવિધ ભાગોમાં ગરમીની લહેર આવવાની સંભાવના છે. જ્યારે પૂર્વ રાજસ્થાન, પશ્ચિમ મધ્યપ્રદેશ, હરિયાણા અને ગુજરાતના કેટલાક સ્થળોએ ગરમીનો પ્રકોપ જોવા મળી રહ્યો છે. રાજસ્થાનના કેટલાક વિસ્તારોમાં તીવ્ર ગરમી પડી શકે છે.

આ રાજ્યોમાં વરસાદનું એલર્ટ
ભારતીય હવામાન વિભાગના જણાવ્યા અનુસાર, આગામી 24 કલાક દરમિયાન, ઉત્તરપૂર્વ ભારત, સિક્કિમ, કેરળ, દક્ષિણ કર્ણાટક અને આંદામાન અને નિકોબાર ટાપુઓમાં કેટલાક સ્થળોએ હળવાથી મધ્યમ વરસાદ સાથે ભારે વરસાદની સંભાવના છે. તમિલનાડુ, રાયલસીમા અને પેટા હિમાલયન પશ્ચિમ બંગાળમાં હળવાથી મધ્યમ વરસાદની શક્યતા છે.

જમ્મુ અને કાશ્મીર, હિમાચલ પ્રદેશ, ઉત્તરાખંડ, છત્તીસગઢ, ઓડિશા, દક્ષિણ કોંકણ અને ગોવા, દક્ષિણ મધ્ય મહારાષ્ટ્ર અને તેલંગાણા, દક્ષિણ છત્તીસગઢ અને વિદર્ભના એક કે બે ભાગોમાં હળવા વરસાદની અપેક્ષા છે.

આ રાજ્યોમાં વરસાદ પડ્યો 
છેલ્લા 24 કલાક દરમિયાન, મેઘાલય અને આસામના ભાગોમાં મધ્યમથી ભારે વરસાદ નોંધાયો હતો અને કેટલાક સ્થળોએ ભારે વરસાદ થયો હતો. ઉત્તરપૂર્વ ભારત અને બાકીના આંદામાન અને નિકોબાર ટાપુઓમાં કેટલાક સ્થળોએ ભારે વરસાદ સાથે હળવાથી મધ્યમ વરસાદ થયો હતો.

કેરળ, તમિલનાડુ, રાયલસીમા, કર્ણાટકના ભાગો, દક્ષિણ તટીય આંધ્રપ્રદેશ, સિક્કિમ અને પશ્ચિમ બંગાળ ઉપરાંત તેલંગાણા અને હિમાચલ પ્રદેશમાં એક-બે સ્થળોએ હળવો વરસાદ થયો છે. કોંકણ અને ગોવા, દક્ષિણ મધ્ય મહારાષ્ટ્ર, ઓડિશા અને જમ્મુ અને કાશ્મીરના એક-બે ભાગો, બિહાર, ઝારખંડ અને ઉત્તર પ્રદેશમાં પણ હળવો વરસાદ નોંધાયો છે.