વરસાદ / ચોમાસાને લઇ હવામાન વિભાગની આગાહી, અહીં અનુમાન કરતાં 3 દિવસ વહેલો આવશે વરસાદ

• દિલ્હીમાં 3 દિવસ પહેલા પહોંચશે ચોમાસુ
• દિલ્હીમાં 25 જૂન સુધીમાં ચોમાસુ પહોંચી શકે છે
• 22થી 24 જૂન સુધી યૂપીના કેટલાક ભાગમાં ચોમાસુ પહોચશે

જાણો કેવું રહેશે ચોમાસું

હવામાન વિભાગનો અંદાજ છે કે 21-25 જૂન વચ્ચે ચોમાસુ ઉત્તર ભારત અને ઉત્તર પશ્ચિમ ભારતના મોટાભાગના ભાગોમાં પહોંચશે. વિભાગ અનુસાર 19 અને 20 જૂનના રોજ પશ્ચિમ બંગાળ અને તેના નજીકના વિસ્તારોમાં નીચા દબાણવાળા ક્ષેત્રની રચના થઈ રહી છે. આ સમય દરમિયાન, ચક્રવાત પવન પણ આગળ વધશે. તેની દિશા દક્ષિણ પશ્ચિમ ઉત્તર પ્રદેશ તરફ રહેશે. આ હવામાન પરિસ્થિતિઓ પશ્ચિમ ઉત્તર પ્રદેશ અને ઉત્તર પશ્ચિમ ભારતમાં ચોમાસા સુધી પહોંચવા માટે અનુકૂળ રહેશે. આગામી 21-25 તારીખ સુધીમાં ઉત્તર ભારત અને ઉત્તર પશ્ચીમી ભારતના અનેક ભાગમાં વરસાદ આવશે. 

હવામાન વિભાગનો અંદાજ છે કે 21-22 જૂનના રોજ પશ્ચિમ ઉત્તર પ્રદેશ અને ઉત્તરાખંડમાં પ્રથમ ચોમાસુ વરસાદ પડી શકે છે. ઉત્તર-પૂર્વ રાજસ્થાન, દિલ્હી-એનસીઆર સહિત પૂર્વ હરિયાણામાં 22-23 જૂન દરમિયાન વરસાદ પડશે. 23 થી 24 જૂન સુધી ચોમાસુ હિમાચલ પ્રદેશ, પૂર્વ રાજસ્થાન, પંજાબ, જમ્મુ અને કાશ્મીર પહોંચશે.

અગાઉ હવામાન વિભાગે આપી હતી આ તારીખ

હવામાન વિભાગે દિલ્હી-એનસીઆરમાં ચોમાસાના આગમન માટે 27 જૂનની સત્તાવાર તારીખ આપી હતી. દર વર્ષે, સામાન્ય રીતે જૂનના અંતિમ અઠવાડિયામાં ચોમાસું સમગ્ર ઉત્તર ભારતમાં સક્રિય હોય છે, પરંતુ આ વખતે તે સમયપત્રક પૂર્વે દિલ્હી-એનસીઆરમાં આગમન કરશે.

શું કહ્યું હવામાન વિભાગે?  

આગામી 3-4 દિવસમાં રાજધાની દિલ્લી ચોમાસુ પહોંચશે. 
23-24 જૂને દિલ્લીમાં ચોમાસુ બેસે તેવી આગાહી.
દર વર્ષ કરતા 3 થી 4 દિવસ ચોમાસુ વહેલું આવશે. 
દર વર્ષે દિલ્લીમાં 27 જૂને ચોમાસાનો પ્રારંભ થાય છે. 
19-20 જૂને પશ્ચિમ બંગાળ અને આસપાસના રાજ્યોમાં પવન ફૂકાઈ શકે છે. 
ચક્રાવાતને કારણે યુપી,ઉત્તરાખંડના વિસ્તારોમાં વરસાદની આગાહી.
રાજસ્થાન અને હરિયાણામાં પણ વરસાદ પડી શકે છે. 
ઉત્તર-પશ્ચિમી રાજ્યોમાં આ વર્ષે 103 ટકા વરસાદની આગાહી.