આઈએમડીના અનુસાર આવનારા 3 દિવસોમાં કર્ણાટક, તમિલનાડુ અને કેરળના અલગ અલગ ભાગોમાં ફરીથી ચોમાસુ સક્રિય થશે અને મેઘમહેર જોવા મળશે.
હવામાન વિભાગની આગાહી
ચોમાસુ ફરીથી થઈ રહ્યું છે સક્રિય
આવનારા 3 દિવસમાં આ જગ્યાઓએ વરસશે વરસાદ
દેશના અનેક ભાગમાં વરસાદના કારણે રવિવાર ખાસ રહ્યો. આ સમયે ભારતીય હવામાન વિજ્ઞાન વિભાગે આગાહી કરી છે કે દક્ષિણ પશ્ચિમ મોનસૂનના ફરીથી સક્રિય થવાની સાથે આવનારા 3 દિવસોમાં દક્ષિણ, પશ્ચિમ અને ઉત્તર ભારતના અનેક વિસ્તારોમાં વરસાદની શક્યતા બની રહી છે.
આઈએમડીએ કરી આ આગાહી
આઈએમડીના અનુસાર આવનારા 3 દિવસોમાં કર્ણાટક, તમિલનાડુ અને કેરળના અલગ અલગ ભાગોમાં ફરીથી ચોમાસુ સક્રિય થશે અને મેઘમહેર જોવા મળશે. શક્ય છે કે આ વરસાદ ભારેથી અતિ ભારે રૂપ ધારણ કરે. આ પછી તેની તીવ્રતામાં ઘટાડો જોવા મળશે. સંભાવિત નિમ્મ દબાણ ક્ષેત્રના પશ્ચિમ- ઉત્તર- પશ્ચિમની તરફ વધતા 5-7 સપ્ટેમ્બરની વચ્ચે દક્ષિણ ઓરિસ્સા, તટીય આંધ્રપ્રદેશ, તેલંગાણા અને વિદર્ભ તથા દક્ષિણી છત્તીસગઢના અનેક ભાગમાં વરસાદની શક્યતા જોવા મળી રહી છે.
આગાહીમાં આ વાત પર પણ મૂકાયો છે ભાર
આઈએમડીએ કહ્યું કે ઉત્તર મરાઠવાડા. ઉત્તર મધ્ય મહારાષ્ટ્ર, ઉત્તરી કોંકણ અને ગુજરાતના ક્ષેત્રમાં 7-9 સપ્ટેમ્બરના સમયે વરસાદની શક્યતા છે. 7-8 સપ્ટેમ્બરના સમયે ઉત્તરી કોંકણમાં, 8 સપ્ટેમ્બરે મધ્ય મહારાષ્ટ્ર અને ગુજરાતના ક્ષેત્રમાં, 7 સપ્ટેમ્બરે તેલંગાણામાં અલગ અલગ સ્થાનોએ વધારે વરસાદ પડી શકે છે. આ સિવાય 7-9 સપ્ટેમ્બરે હિમાચલ, ઉત્તરાખંડ, ઉત્તરી પંજાબ અને જમ્મૂમાં પૂર્વી રાજસ્થાનમાં અલગ અલગ સ્થાનોએ વરસાદની સાથે ઉત્તર પશ્ચિમ ભારતના અનેક ભાગમાં સામાન્ય વરસાદની શક્યતા રહી શકે છે.