શાહીન વાવાઝોડાને IMDએ અલર્ટ જાહેર કર્યું છે, ગુજરાત સહિતનાં રાજ્યોમાં ત્રણ દિવસ સુધી ભારે વરસાદની આગાહી કરવામાં આવી છે.
શાહીન વાવાઝોડાને લઈને મોટા સમાચાર
ડીપ ડિપ્રેશન શાહીન વાવાઝોડામાં ફેરવાઇ ગયું
અરબ સાગરમાં પાકિસ્તાન તરફ જશે શાહીન વાવાઝોડું
IMDએ જાહેર કર્યું અલર્ટ
શાહીન વવાઝોડાને લઈને ગુજરાત સહિત સાત રાજ્યોમાં ભારતીય મોસમ વિભાગ એટલે કે IMD દ્વારા અલર્ટ આપવામાં આવ્યું છે. આગામી 12 કલાકમાં જ શાહીન વાવાઝોડું મજબૂત થઈ શકે છે.
સાત રાજ્યો માટે ભારે વરસાદની આગાહી
IMD દ્વારા જાહેર કરવામાં આવેલ અલર્ટ અનુસાર ડીપ ડિપ્રેશન હવે શાહીન વાવાઝોડામાં ફેરવાઇ ગયું છે અને ભારતની સાથે સાથે પાકિસ્તાન અને ઈરાન પાસે આ વાવાઝોડાની અસર જોવા મળવાની છે. વાવાઝોડાનાં કારણે બિહાર, બંગાળ, સિક્કિમ, તમિલનાડુ, કેરળ, કર્ણાટક અને ગુજરાતમાં ભારે વરસાદની આગાહી કરવામાં આવી છે અને આગામી ત્રણ દિવસ સુધી અલર્ટ આપી દેવામાં આવ્યું છે.
north & adjoining central Arabian Sea along & off Pakistan-Makran coasts and Gulf of Oman till 4th October morning. pic.twitter.com/URbjpiKhM2
— India Meteorological Department (@Indiametdept) October 1, 2021
સીધું પાકિસ્તાન તરફ જશે વાવાઝોડું
IMDએ આપેલ અલર્ટ અનુસાર શાહીન વાવાઝોડુ પહેલી ઓકટોબરની મોડી રાત્રે અથવા આવતીકાલે સવાર સુધીમાં ભયાનક રૂપ લઈ શકે છે. કચ્છ અને સૌરાષ્ટ્રમાં વાવાઝોડાનાં કારણે ભારે વરસાદની આગાહી કરવામાં આવી છે. IMD અનુસાર આ વાવાઝોડું આરબ સાગરમાં પ્રવેશ બાદ કલાકોમાં જ પાકિસ્તાન તરફ આગળ વધી જશે.
100 કિમીની ઝડપે ફૂંકાશે પવન
IMDએ જણાવ્યું કે શાહીન વાવાઝોડું તેજ થયા બાદ 100 કિમી પ્રતિ કલાકની ઝડપથી પવન ફૂંકાઈ શકે છે અને અરબ સાગરમાં ગુજરાતનાં દરિયાકિનારાની સાથે સાથે પાકિસ્તાનનાં દરિયાકિનારા તરફ તેની અસર જોવામ મળશે.
દિલ્હીમાં અમીછાંટડા થાય તેવી આગાહી
IMD એ કહ્યું શાહીન વાવાઝોડાને લઈને દિલ્હીમાં પણ વાદળછાયું વાતાવરણ રહેશે અને તે બાદ હળવો વરસાદ થઈ શકે છે.