ઉત્તર પ્રદેશમાં કુદરતનો કહેર, હાર્ટ ઍટેક અને બ્રેન સ્ટોકના કારણે લોકોની મોત થવાની સંખ્યામાં વધારો.
ઉત્તર ભારતમાં શીત લહેર
અનેક રાજ્યોમાં ધુમ્મસને લઈને ઍલર્ટ
હાર્ટ ઍટેક અને બ્રેન સ્ટોકના કેસ વધ્યા
ઉત્તર ભારતમાં શિયાળાના કારણે લોકો હવે ત્રાહિમામ પોકારી રહ્યા છે, ઘણા રાજ્યોમાં જનજીવન અસ્તવ્યવસ્ત થઈ ગયું છે અને ન્યૂનતમ તાપમાન ઘણા શહેરોમાં માઇનસમાં જતું રહ્યું છે. IMD એ આગાહી કરી છે કે પંજાબ, હરિયાણા,દિલ્હી, ઉત્તર પ્રદેશમાં આજે ગાઢ ધુમ્મસ જોવા મળશે.
કોલ્ડ વેવની આગાહી
આટલું જ નહીં હરિયાણા, રાજસ્થાન, દિલ્હીમાં આજે ગંભીર કોલ્ડ વેવની આગાહી પણ કરવામાં આવી છે. આ સિવાય બિહાર અને ઉત્તર પ્રદેશના કેટલાક વિસ્તારોમાં પણ આગામી બે ત્રણ દિવસ સુધી કોલ્ડ વેવ રહેશે. આ સિવાય આગામી બે દિવસમાં મધ્ય પ્રદેશના ન્યૂનતમ તાપમાનમાં હજુ બેથી ત્રણ ડિગ્રીનો ઘટાડો જોવા મળી શકે છે.
હાડ થિજવતી ઠંડીના કારણે લોકોને ભયંકર સમસ્યાઓનો સામનો કરવો પડી રહ્યો છે, કાનપુરમાં ઠંડીના કારણે 14 લોકોના હાર્ટ ઍટેકથી મૃત્યુ થયું હોવાનું સામે આવ્યું છે.
હાર્ટ ઍટેકના કેસ વધ્યા
ઉત્તર પ્રદેશના કાનપુરમાં શનિવારે વધુ છ લોકોના મોત હાર્ટ ઍટેક અને બ્રેન સ્ટોકના કારણે થયા છે. પહેલી જાન્યુઆરીથી સાત જાન્યુઆરી એમ એક સપ્તાહમાં આ શહેરમાં કુલ 98 લોકોએ હાર્ટ ઍટેક અને બ્રેન સ્ટોકના કારણે પોતાના જીવ ગુમાવ્યા છે. ચોંકાવનારી બાબત છે કે હાર્ટ ઍટેકથી જીવ ગુમાવનાર લોકોમાં મોટા ભાગના 18થી 40 વર્ષના છે.
ઠંડીથી બચો: તબીબો
તબીબોનું માનવું છે કે શિયાળામાં બ્લડ પ્રેશર વધવા તથા નશોમાં લોહી જામી જવાન કારણે હાર્ટ ઍટેક અને બ્રેન સ્ટોકના કેસ વધી રહ્યા છે, લોકોએ ખાણીપીણીમાં સુધાર કરવો જોઈએ અને ઠંડીથી બચવું જોઈએ.