ગરમીની ઋતુની શરુઆત ધીરે-ધીરે થઇ રહી છે પરંતુ દિલ્હી-એનસીઆરના ઘણા વિસ્તારોમાં થયેલ વરસાદને કારણે વાતાવરણ ફરી એકવાર ઠંડુ થઇ ચૂક્યું છે. શનિવારની સાંજે દિલ્હી-એનસીઆરમાં વરસાદ પડ્યો છે.
દિલ્હી-એનસીઆરના ઘણા વિસ્તારોમાં વરસાદ
દિલ્હી એરપોર્ટથી 14 ફ્લાઇટ્સ ડાયવર્ટ
હિમાચલ પ્રદેશમાં પણ બરફવર્ષા જોવા મળી
દિલ્હીમાં વરસાદ પડ્યો એ પહેલા હિમાચલ પ્રદેશમાં પણ બરફવર્ષા જોવા મળી. હિમાચલ પ્રદેશના નારકંડામાં બરફવર્ષાને કારણે વાતાવરણ એકાએક ફરીથી ઠંડુ થઇ ગયું. શનિવારે દિલ્હીમાં વરસાદને કારણે બગડેલા વાતાવરણથી વાહનવ્યવહાર પણ પ્રભાવિત થયો.
14 flights diverted from Delhi Airport to Lucknow, Amritsar, Ahmedabad, & Jaipur due to bad weather in Delhi.
દિલ્હી-એનસીઆરમાં વીજળીના તેજ અવાજની સાથે જ ઘણા વિસ્તારોમાં વરસાદ પડ્યો છે. જેના કારણે ફરીથી ઠંડી વધી ગઇ છે. ગત કેટલાક દિવસોથી ગરમીનો પારો ધીર-ધીરે વધી રહ્યો હતો પરંતુ વરસાદને પગલે વાતાવરણ ફરી એકવાર ઠંડુ બની ગયું છે.
દિલ્હીમાં અચાનક વરસાદને કારણે 14 ફ્લાઇટ્સનો રુટ બદલી દેવામાં આવ્યા છે. દિલ્હીમાં ખરાબ હવામાનને કારણે દિલ્હી એરપોર્ટથી લખનઉ, અમૃતસર, અમદાવાદ અને જયપુર માટે 14 ફ્લાઇટ્સને ડાયવર્ટ કરવામાં આવી છે.
અમદાવાદમાં વરસાદની આગાહી
સામાન્ય રીતે મહાશિવરાત્રિ બાદ ઠંડી વિદાય લેતી હોય છે. આ વખતે શિવરાત્રિ બાદ બે ચાર દિવસ સવારે અને સાંજે ઠંડા પવન ફુંકાયા હતા. જોકે ગઇ કાલ બપોર બાદ શહેરીજનોએ ભારે ગરમીના બદલે વાદળછાયું વાતાવરણ સર્જાતા આંશિક રાહત અનુભવી હતી. સાંજે પણ વાદળાંઓ જોવા મળ્યાં હતાં. આજે સવારે શહેરનાં વાદળછાયા વાતાવરણમાં લેશમાત્ર પલટો આવ્યો ન હતો. ચોમાસાની સવાર જેવું લોકોએ અનુભવ્યું હતું. દરમ્યાન સ્થાનિક હવામાન વિભાગ કચેરીએ રાજ્યમાં વેસ્ટર્ન ડિસ્ટબન્સથી અમદાવાદમાં સાંજ સુધીમાં હળવો વરસાદ પડે તેવી શક્યતા વ્યક્ત કરી છે.
દક્ષિણ ગુજરાતના વડોદરા અને સુરતમાં પણ માવઠાંની શક્યતા
બીજી તરફ રાજ્યના દક્ષિણ ગુજરાતના વડોદરા અને સુરતમાં પણ માવઠાંની શક્યતા છે. જોકે ફરી એકવાર માવઠું થાય તેવી સંભાવનાથી ખેડૂતોમાં ચિંતાનું મોજું પ્રસરી ગયું છે. કેમ કે, માવઠાંથી ખેતરમાં લહેરાતા રવીપાકને ભારે નુકસાન થવાની શક્યતા છે.