ગુજરાતમાં આવનારા 3 દિવસ અતિથી ભારે હોવાનું જાણવા મળ્યું છે. કેમ કે, હવામન વિભાગ દ્વારા આગાહી કરવામાં આવી છે કે, આવનારા 3 દિવસ ગુજરાતમાં હાડ થીજવતી ઠંડી પડશે.
વેસ્ટર્ન ડિસ્ટર્બન્સ હવે ગુજરાતથી આગળ વધ્યું
કડકડતી ઠંડીનો લોકોએ કરવો પડી શકે છે સામનો
3 દિવસ કડકડતી ઠંડી પડવાની આગાહી
રાજ્યમાં કડકડતી ઠંડી પડવાના એંધાણ વર્તાઈ રહ્યા છે. રાજ્યમાં ઠંડીને લઈને હવામાનની આગાહી સામે આવી છે જેમાં આજ રાતથી લઘુત્તમ તાપમાન ગગડવાની શક્યતાઓ છે. વેસ્ટર્ન ડિસ્ટર્બન્સ ગુજરાતથી આગળ વધતા ગુજરાતમાં ઠંડીનું પ્રમાણ વધશે. હાડ થીજવતી ઠંડીનો લોકોએ સામનો કરવો પડી શકે છે. આવનારા 3 દિવસ ગુજરાતમાં કડકડતી ઠંડી પડવાની આગાહી છે.
3 દિવસ કડકડતી ઠંડી પડવાની હવામાનની આગાહી
રોડ બન્યા ધુમ્મસછાયા
ગુજરાતમાં છેલ્લા ત્રણ દિવસથી વરસાદી માહોલ છે, ત્યારે આજે રાજ્યમાં ગામડાં અને શહેરોમાં ધુમ્મસ છવાયું હતું. વાતાવરણમાં આવેલા પરિવર્તનને કારણે વિઝિબિલિટી ડાઉન થતાં વાહનચાલકોને મુશ્કેલી પડી હતી. અચાનક વાતાવરણના પલટાથી બેવડી ઋતુનો અનુભવ થયો હતો. અમદાવાદ, રાજકોટ, વડોદરા, સુરત જેવાં શહેરોમાં પણ ધુમ્મસભર્યું વાતાવરણ સર્જાતાં લોકોનું રોડ પર નીકળવું મુશ્કેલ બની ગયું હતું.
માવઠાએ ઠાર વધુ પડ્યો
રાજ્યમાં છેલ્લા 24 કલાકમાં રાજ્યમાં કુલ 142 તાલુકામાં વરસાદ પડ્યો હતો, જેમાં સૌથી વધારે સુરતના ઉમરપાડામાં 2 ઈંચ વરસાદ નોંધાયો હતો. જ્યારે ખેરગામ, ઉમરગામ, વાપી, ચીખલી, સુરત શહેર, વઘઈ, જાફરબાદ, કામરેજ સહિતના તાલુકાઓમાં અડધાથી 2 ઈંચ જેટલો વરસાદ પડ્યો હતો. માવઠાને પગલેને મુખ્યમંત્રી વિજય રૂપાણીએ રાજ્યમાં ખેડૂતોના પાકને થયેલા નુકસાનનો સર્વે કરવા અને સર્વેમાં જે કોઈ નુકસાન થયુ હોવાનું જણાશે તે પ્રમાણે ખેડૂતોને વળતર ચૂકવવાની જાહેરાત કરી હતી.