દેશમાં ફરી એક વાર પશ્ચિમ વિક્ષોભ સક્રિય થઈ રહ્યું છે. તેનાથી હવામાન બદલાવાથી દેશમાં કેટલાય ભાગોમાં ફરીથી વરસાદ શરૂ થઈ શકે છે.
ફરી એક વાર પશ્ચિમી વિક્ષોભ સક્રિય
હવામાન બદલાશે
વરસાદ થવાની શક્યતાઓ
દેશમાં ફરી એક વાર પશ્ચિમ વિક્ષોભ સક્રિય થઈ રહ્યું છે. તેનાથી હવામાન બદલાવાથી દેશમાં કેટલાય ભાગોમાં ફરીથી વરસાદ શરૂ થઈ શકે છે. હવામાન વિભાગે દિલ્હી અને એનસીઆરના વિસ્તારમાં બુધવારે વાદળો છવાયેલા રહ્યા અને હળવો વરસાદ થવાની સંભાવના વ્યક્ત કરવામાં આવી હતી. એટલું જ નહીં આગામી અઠવાડીયા સુધી દેશના કેટલાય વિસ્તારોમાં વરસાદની આશંકા વ્યક્ત કરવામાં આવી છે. જોઈ લો આગામી દિવસોમાં કેવું રહેશે હવામાન.
હળવાથી મધ્યમ વરસાદની આગાહી
હવામાન વિભાગનું માનીએ તો, વધું એક પશ્ચિમી વિક્ષોભ સક્રિય થવાના કારણે 17થી 20 ફેબ્રુઆરી સુધી પશ્ચિમી હિમાલયી વિસ્તારમાં હળવાથી મધ્યમ વરસાદ/ બરફવર્ષાની સંભાવના છે. એટલું જ નહીં ઉત્તર પશ્ચિમ ભારતના મેદાની વિસ્તારમાં છૂટોછવાયો વરસાદ થવાનું પૂર્વાનુમાન છે. જો કે, આ પશ્ચિમી વિક્ષોભ નબળું રહેવાની આશા છે.
બરફવર્ષા થવાની પણ સંભાવના
હવામાન વિભાગનું કહેવું છે કે, 13થી 16 ફેબ્રુઆરી દરમિયાન જમ્મુ-કાશ્મીર, લદ્દાખ, ગિલગિટ બાલ્ટિસ્તાન અને મુઝફ્ફરાબાદમાં હળવાથી મધ્યમ વરસાદ અથવા બરફવર્ષાની સંભાવના છે. એટલુ જ નહીં 15થી 16 ફેબ્રુઆરીએ હિમાચલ પ્રદેશ અને ઉત્તરાખંડમાં પણ વરસાદ અને બરફવર્ષા થવાનું પૂર્વાનુમાન બતાવામાં આવ્યું છે.
ઝડપી પવન પણ ફુંકાશે
જ્યાં સુધી આગામી 24 કલાકનો સવાલ છે, તો દક્ષિણ તમિલનાડૂ, પુડુચેરી, કરાઈકલ અને દક્ષિણ કેરલના મુખ્ય તટિય વિસ્તારમાં ગરજ સાથે હળવો વરસાદ થઈ શકે છે. હવામાન વિભાગનું કહેવું છે કે, નવું પશ્ચિમી વિક્ષોભ પહાડો પર પોતાની વધારે અસર વર્તાવી શકે છે. તેના કારણે ઉત્તર પશ્ચિમથી આવી રહેલી ઝડપી હવામાં હળવાશ રહેશે.