હોળાષ્ટક પૂરા થયાની સાથે જ ગરમીની શરૂઆત થઇ ચૂકી છે ત્યારે આગામી દિવસોમાં ગરમીનો પારો વધુ ચડે તેવી શક્યતાઓ હવામાન વિભાગ દ્વારા આપવામાં આવી રહી છે. પવનની દિશા પશ્ચિમથી ઉત્તર પ્રશ્ચિમ બાજુ જતાં ગરમી વધવાની શક્યતાઓ રહેલી છે .રાજ્યના 10 શહેરોમાં ગરમીનો પારો 36 ડીગ્રીથી વધારે નોંધાયો હતો જેમાં સૌથી વધારે ગરમીનો પારો સંસ્કારી નગરી વડોદરાનો હતો. ગત દિવસોમાં વડોદરા શહેર 28 ડિગ્રી ગરમીમાં શેકાયું હતું.
અમદાવાદમાં ગરમીનો પારો 36.4 ડિગ્રી નોંધાયો હતો. હવામાન વિભાગની આગાહી મુજબ આગામી 3 દિવસમાં અમદાવાદમાં ગરમીનો પારો 35 થી 40 ડિગ્રીની આસપાસ રહેવાની શક્યતા છે.
દેશભરમાં આગામી દિવસોમાં ભીષણ ગરમીનો સામનો કરવો પડી શકે છે. હવામાન વિભાગ અનુસાર માર્ચથી મે મહિના સુધીમાં છેલ્લા 50 વર્ષનો રેકોર્ડ તૂટી શકે છે.
જોકે ઉત્તર ભારતમાં સૌથી વધુ ગરમી રહેવાની શક્યતા છે. દિલ્હી હરિયાણા પંજાબ રાજસ્થાન અને ગુજરાતમાં ગરમીનો પારો સામાન્યથી 1.5 ડિગ્રી વધુ રહેવાની શકયતા છે તો બીજી તરફ મુંબઈમાં પણ ગરમીએ દસ્તક આપી દીધી છે.