કાયદો / અપરણિત કપલ હોટલમાં રૂમ બુક કરાવી અંગત પળો માણે તો પોલીસ પકડી શકે? જાણો કાયદો

• જો તમારા અને તમારા પાર્ટનર વચ્ચે લગ્નસંબંધ ન હોય તો?
• શું પોલીસ તમારા માતા-પિતાને ફોન કરી શકે?
• શું જાહેરમાં અશ્લીલ હરકતો કરવી ગુનો છે?

શું પોલીસ કોઈ પણ હોટલ પર રેડ પાડી શકે?
હા બિલકુલ કરી શકે. કોઈ હોટલમાં ગેરકાનૂની પ્રવૃત્તિ ચાલે છે એવા સમાચાર મળે તો પોલીસ જે તે હોટલ કે સ્થળે તપાસના હેતુથી જઈને રેડ પાડી શકે. ક્રિમિનલ પ્રોસીઝર કોડ એટલે કે CRPC ના સેકશન 165 મુજબ પોલીસને આ હકો આપવામાં આવ્યા છે. 

પાર્ટનર સાથે હોટલમાં ગયા હોવ તો આટલું ધ્યાન રાખો. 
1) તમારી બંનેની ઉંમર 18 વર્ષથી વધારે હોવી જોઈએ. 
2) સાચું ઓળખપત્ર હોટલમાં આપેલું હોવું જોઈએ. 
3) રજિસ્ટર્ડ હોટલમાં જ જવાનો આગ્રહ રાખો. શંકાસ્પદ હોટલમાં જવાનું ટાળો 
4) હોટલમાં હીડન કેમેરા કે રેકોર્ડર ન હોય એની ખાતરી કરી લો. 
3) પોલીસના પ્રશ્નોના ગભરાયા વિના સાચા જવાબ આપો 
4) પોલીસ સાથે સન્માન અને ગરીમા જાળવીને વાત કરો 

જો તમે ખોટા જવાબ આપશો તો કાર્યવાહીમાં વિક્ષેપ ઊભો કરવા માટે સેકશન 42 હેઠળ તમારી ધરપકડ થઈ શકે. માટે નામ અને સરનામાની જે પણ વિગતો પોલીસ દ્વારા માગવામાં આવે છે તેના સાચા જવાબો આપવા જરૂરી છે. 

જો તમારા અને તમારા પાર્ટનર વચ્ચે લગ્નસંબંધ ન હોય તો?
જો હોટલમાં ગયેલ કપલ અપરિણીત હોય તો પણ પોલીસ એમની ધરપકડ કરી શકે નહીં. ભારતના બંધારણમાં આર્ટીકલ 21 દરેક ભારતીયને પર્સનલ લિબર્ટી અને પ્રાઈવસી એટલે કે ગુપ્તતા અને અંગત સ્વાતંત્ર્ય આપે છે જે અનુસાર કોઈ પણ ભારતીય કાનૂની રીતે પોતાની પ્રાઇવસીમાં કોઈપણ કામ કરી શકે છે. બસ આ કામ ગેરકાયદેસર ન હોવું જોઈએ. 

તમે હોટલને આ માટે ભાડું ચૂકવો છો 
તમે હોટલમાં જાઓ છો ત્યારે તમે જે ભાડું આપો છો તે તમે જે તે રૂમનું લીઝ અગ્રીમેંટ લીધું છે માટે આ રૂમની અંદર તમે કોઈ પણ કાયદેસર કામ કરતાં હોવ તો કોઈ અટકાવી શકે નહીં. 

સુપ્રીમ કોર્ટ પણ આપી ચૂકી છે ચુકાદો 
જો બે એડલ્ટ લોકો એટલે કે બે 18 વર્ષથી ઉપરની વ્યક્તિ પોતાની મરજીથી જાતીય સબંધ પણ બાંધે તો એ ગુનો નથી. અને 
2019 માં સુપ્રીમ કોર્ટે એસ. ખુશ્બુ વિરુદ્ધ કન્નીઆમલ નામના કેસમાં આ ચૂકાદો આપ્યો હતો. કે ભારતના નાગરિકોને આર્ટીકલ 21 મુજબ ગુપ્તતા અને સ્વાતંત્ર્યનો અધિકાર મળેલો છે. 

શું પોલીસ તમારા માતા-પિતાને ફોન કરી શકે?
જો તમે કોઈ ગેરકાનૂની કામ ન કરતાં હોવ તો તમારી ગુપ્તતા જાળવવી એ તમારો હક છે માટે પોલીસ આવું કામ ન કરી શકે. 
જો કોઈ આવું કરે તો તમે તેના ઉપરી અધિકારીને ફરિયાદ કરી શકો છો. આવું મોટેભાગે તમને બ્લેકમેઇલ કરવા માટે કરવામાં આવતું હોય છે પરંતુ એવું કરવું પોલીસના અધિકારક્ષેત્રમાં નથી આવતું.

પોલીસ ફોટો પાડવાનો પ્રયત્ન કરે તો?
પોલીસ કોઈ પણ સંજોગોમાં કપલનો ફોટો ન પાડી શકે કારણ કે તે પણ નાગરિકના અધિકારોનું ઉલ્લંઘન છે. તદુપરાંત જો કોઈ નગ્ન કે અર્ધનગ્ન અવસ્થામાં કોઈનો ફોટો પાડવાનો પ્રયત્ન ક્રે તો આઇટી એક્ટના 66E સેગમેન્ટ હેઠળ આ એક ગુનો છે. માટે આ ગુના હેઠળ પોલીસ વિરુદ્ધ ફરિયાદ નોંધાવી શકાય. 

તો શું જાહેરમાં અશ્લીલ હરકતો કરવી ગુનો છે?
હા. ઇંડિયન પિનલ કોડ (IPC)નાં સેકશન 294 A મુજબ જો કોઈ જાહેર સ્થળો એટલે કે ગાર્ડન્સ, હોસ્પિટલ, બસ સ્ટેન્ડ વગેરે જગ્યાએ અશ્લીલ હરકતો કરે તો તે કાયદાકીય રીતે ગુનો બને છે. પરંતુ પ્રાઇવેટ પ્રોપર્ટી કે હોટલ રૂમ જેવા સ્થળે અંગત પળો માણવી એ ગુનો નથી. 

શું આ કાયદાનો દૂરોપયોગ ન થઈ શકે?
આ કાયદાઓ ભારતીય નાગરિકોના સ્વાતંત્ર્ય માટે છે પરંતુ કોઈ આનો દુરુપિયોગ પ્રોસ્ટીટ્યુશન એટલે કે ગણિકાવૃત્તિ કરાવવા માટે પણ કરી શકે છે. ભારતમાં ગણિકવૃત્તિ કે દેહવ્યાપર ગુનો બને છે. હોટલમાં આ પ્રકારની પ્રવૃત્તિ કરવી એ સ્પષ્ટ રીતે ગેરકાનૂની છે. માટે એવી હોટલો કે જ્યાં આવી શંકાસ્પદ પ્રવૃત્તિ થતી હોય ત્યાં જવું સલાહભર્યું નથી. 

જો સ્ત્રી પરિણીત હોય તો?
અગાઉ ભારતમાં લગ્નેત્તર સંબંધો માટે ભારતમાં કાનૂનવ્યવસ્થા હતી પરંતુ હવે તેને ગેરકાનૂની નથી માનવામાં આવતી. એટલે કે જો કોઈ પરિણીતા પણ હોટલમાં ઝડપાય તો તેની સામે ગુનો દાખલ નથી થઈ શકતો. પરંતુ જો આ સ્ત્રીનો પતિ તેના સામે છુટાંછેડાં માટે અરજી કરે તો તેમાં 'એડલ્ટરી' એટલે કે લગ્નેત્તર સંબંધોને એક કારણ તરીકે જરૂર ગણાવી શકે અને તેના છૂટાછેડા સરળતથી મળી શકે છે. 

જો કોઈ મિત્ર કે સંબંધીને આ રીતે પોલીસ પકડી જાય તો શું કરશો?
આ પ્રકારના કેસમાં તમે હાઇકોર્ટમાં હેબિયસ કોર્પસ રીટ ફાઇલ કરી શકો છો. આ કિસ્સામાં હાઇકોર્ટ કોઈને ગેરકાનૂની ધરપકડના કિસ્સામાં છોડી દેવાના આદેશો પોલીસને આપી શકે છે. હાઇકોર્ટ જેની ધરપકડ કરવામાં આવી છે તેને બોલાવીને તપાસ કરી શકે છે અને ત્યાર બાદ અયોગ્ય ધરપકડ પુરવાર થાય તો તેમને છોડી દેવા માટે આદેશ આપે છે. 

કાયદાકીય રીતે યોગ્ય પરંતુ સામાજિક રીતે અયોગ્ય 
આપણા દેશ ભારતમાં જે સમાજ વ્યવસ્થા છે તે જોતાં કાયદાકીય રીતે ભલે આ યોગ્ય હોય પરંતુ સામાજિક રીતે તેને અયોગ્ય માનવામાં આવે છે.  ભારતમાં લગ્નસંસ્થાને પણ ખૂબ મહત્વની માનવામાં આવે છે માટે દરેક વ્યક્તિ પોતાની સમજણ અનુસાર પોતાનાં કાનૂની અધિકારોનો ઉપયોગ કરવો જોઈએ. 

પરંતુ આટલી માહિતી મેળવ્યા બાદ તમને એટલું જરૂર સમજાઈ ગયું હશે કે પોલીસ કે બીજી કોઈપણ જો આ રીતે કોઈ કપલને રંજાડવાનો પ્રયત્ન કરે તો તે ગેરકાનૂની છે અને દરેકે ગભરાયા વગર તેનો સામનો કરવો જોઈએ.