સુરતમાં ફરીથી વરસાદ શરૂ થયો છે. સવારથી ધીમી ધારનો વરસાદ શરૂ થયો છે. શહેરના આસપાસના વિસ્તારોમાં પણ વરસાદ વરસી રહ્યો છે. જો કે સુરતમાં સિઝનનો 33 ટકા જેટલો વરસાદ નોંધાયો છે. વરારથી વરસતા સતત વરસાદથી શહેરમાં કેટલાક નીચાણવાળા વિસ્તારોમાં પાણી પણ ભરાયા છે.
ઉલ્લેખનીય છે કે માંડવી પંથકમાં ધોધમાર વરસાદ થયો છે. ભારે વરસાદથી મુંજલાવ ખાડીનો લો-લેવલ બ્રીજ પાણીમાં ગરકાવ થઇ ગયો છે. તડકેશ્વર ગામે સ્ટેટ હાઇ-વે પર પાણી ભરાયા છે. કીમ-માંડવી સ્ટેટ હાઇ-વે પર પાણી ભરાતા વાહન ચાલકોને હાલાકીનો સામનો કરવો પડયો છે.
આપને જણાવી દઇએ કે વહેલી સવારથી જિલ્લાના અનેક વિસ્તારોમાં વરસાદ વરસ્યો છે. જિલ્લાના ઓલપાડ માંગરોળ માંડવી સહિતના તાલુકામાઓમાં વરસાદ વરસ્યો છે. આ સાથે જ કોસંબા કીમ કરંજ ગામોના પંથક વિસ્તારમાં પણ વરસાદની શરૂઆત થઈ છે. વરસાદ શરૂ થતા સ્થાનિકોમાં ખુશીનો માહોલ જોવા મળ્યો છે.
રાજ્યમાં વરસાદની મોસમ જામી પડી છે ત્યારે ઉત્તર ગુજરાતના સુરત શહેરમાં પણ મેઘરાજા મન મુકીને વરસતા સ્થાનિક લોકો ગેલમાં આવી ગયા હતા અને વરસાદના વધામણા કર્યા હતા.
જો કે અત્યાર સુધીમાં સિઝનનો આશરે 33% વરસાદ નોંધાતા નીચાણવાળા વિસ્તારમાં પાણી ભરાયા હતા જેના કારણે લોકોએ સ્થળાંતરણ કરવું પડ્યું હતું. જો કે ભારે વરસાદને પગલે કોઇ મોટું નુકસાન થયું હોવાનું સામે આવ્યું નથી.