અમદાવાદનાં સુરધારા સર્કલ નજીક આજે એકાએક વૃક્ષ ધરાશાયી થયું હોવાંની ઘટના સામે આવી છે. જેને લઇને વૃક્ષ ધરાશાયી થતાં વાહન ચાલકો ફસાઇ ગયાં હતાં.
તેમજ વૃક્ષ ધરાશયી થતાં જ એક વાહનચાલક તેની નીચે દબાઇ ગયો હતો. ત્યારે તેને બહાર નીકાળવા માટે Vtvનાં રિપોર્ટરે વૃક્ષ નીચે દબાયેલા વાહનચાલકને તુરંત બચાવ્યો. ત્યારે તેને બહાર કાઢવા માટે ત્યાંના સ્થાનિક લોકો પણ મદદમાં જોડાઇ ગયાં હતાં.
ઉલ્લેખનીય છે કે દેર આયે દુરસ્ત આયે અમદાવાદમાં વરસાદે થોડી મોડી પણ ધમાકેદાર એન્ટ્રી કરી છે. લાંબો સમય રાહ જોવડાવ્યા બાદ મેઘરાજાની સવારી અમદાવાદ પહોંચી છે. વરસાદ પડતાં લોકોને ગરમીથી આંશિક મળી છે. ઉલ્લેખનીય છે કે છેલ્લા ઘણા દિવસોથી બફારાનો અનુભવ થઈ રહ્યો ત્યારે બપોર પછી વરસાદનું આગમન થતાં વાતાવરણમાં ઠંડક પ્રસરી છે. અમદાવાદમાં લાંબા સમય બાદ વરસાદ વરસતાં શહેરીજનોએ વરસાદમાં પલળીને મઝા માણી હતી.
આપને જણાવી દઇએ કે તો આ તરફ અમદાવાદના પૂર્વના વિસ્તારો બાપુનગર મણીનગર ઇસનપુર અને સેટેલાઇટમાં સારો વરસાદ થયો છે. શહેરના મધ્ય ભાગ જમાણપૂરમાં પણ ભરપૂર વરસાદ થયો છે. ઘણા સમયથી રાહ જોતા અમદાવાદવાસીઓમાં વરસાદથી ખુશી જોવા મળી હતી. એક સાથ ઘણો વરસાદ થવાથી કેટલાય વિસ્તારોમાં પાણી ભરાયા હતાં.
શહેરમાં વરસાદની ધમાકેદાર બેટીંગથી લોકો ખુશ માહોલમાં જોવા મળ્યા અને વરસાદની મજા લૂંટવા માટે લોકો ખાસ રિવરફ્રન્ટ પર ઉમટી પડયા હતા અને નાના બાળકોની સાથે મન મુકીને લોકોએ વરસાદનો લૂફ્ત ઉઠાવ્યો હતો.