કચ્છમાં વરસાદનું ધમાકેદાર આગમન ખેડૂતોમાં જોવા મળ્યો ખુશીનો માહોલ

કચ્છમાં લાંબા વિરામ બાદ મેઘરાજાની પધરામણી થઈ છે. કચ્છમાં આજ સવારથી પૂર્વ કચ્છમાં પણ વરસાદી માહોલ જોવા મળ્યો છે.

કચ્છના આડેસર રાપર ભચાઉ અંજાર ગાંધીધામ અને કંડલા સહિતના વિસ્તારોમાં ધીમીધારે વરસાદની શરૂઆત થઈ છે. જેમા રાપર આડેસર અને ગાંધીધામના નીચાણ વાળા વિસ્તારોમાં પાણી ભરાયા હતા તો અન્યત્ર ઝાંપટા પડ્યા હતા. 

જેને લઇને એક તરફ ખેડુતોમાં સારા ખેતીલાયક વરસાદની નવી આશા બંધાઇ છે. તો બીજી તરફ ગરમીથી ત્રસ્ત વરસાદથી રાહ જોતા લોકોને રાહત મળી હતી અને લોકો વરસાદની મજા માણતા જોવા મળ્યા હતા. હજુ 2 દિવસ સુધી હવામાન વિભાગે કચ્છ સૌરાષ્ટ્ર અને અમદાવાદ સહિત ગુજરાતમાં સારા વરસાદની આગાહી કરી છે. 

ત્યારે લોકો ઇચ્છી રહ્યા છે કે કચ્છમાં પણ સારો વરસાદ વરસે બીજી બાજુ સરહદી પશ્ચિમ કચ્છના તમામ તાલુકાઓમા હજી સુધી વરસાદે દસ્તક નથી દીધી પરંતુ બપોર બાદ વરસાદ પડે તેવી શક્યતા વરસાદી માહોલે બાંધી છે.

આપને જણાવી દઇએ કે રાજ્યભરમાં લાંબા વિરામ બાદ વરસાદ આવ્યો તેનો અનેક જગ્યાએ આનંદ છે. વાવણી કરી દીધા બાદ વરસાદ આવતા ખેડૂતોને પોતાનો પાક બચી જશે તેની ખુશી છે.