અમદાવાદ: મન મૂકી મહેરબાન થયા મેઘરાજા ઠેર-ઠેર ભરાયા પાણી પ્રજા ગેલમાં

અમદાવાદ: દેર આયે દુરસ્ત આયે અમદાવાદમાં વરસાદે થોડી મોડી પણ ધમાકેદાર એન્ટ્રી કરી છે. લાંબો સમય રાહ જોવડાવ્યા બાદ મેઘરાજાની સવારી અમદાવાદ પહોંચી છે. ત્યારે શહેરના સુરધારા સર્કલ નજીક અચાનક એક વૃક્ષ ધરાશાયી થતા એક વાહન ચાલક નીચે દટાયો હતો.

જો કે Vtvના સંવાદદાતા ઘટનાસ્થળે રિપોર્ટીંગ કરી રહ્યા હોવાથી તેઓ તાત્કાલિક અસરથી ઘટના સ્થળે પહોંચ્યા હતા અને આજુ-બાજુના લોકોને પણ આ બચાવ કામગીરીમાં જોડાવા હાકલ કરતા સ્થાનિક લોકો દોડી આવ્યા હતા અને દટાયેલ વ્યક્તિને બહાર કાઢવામાં આવી આવી હતી. 
 

Vtvના રિપોર્ટરે વૃક્ષ નીચે દબાયેલા વાહનચાલકને બચાવ્યા
સ્થાનિક લોકો પણ જોડાયા મદદમાં
વૃક્ષ ધરાશાયી થતા વાહન ચાલક ફસાયા@AhmedabadAMC #firebridge@CollectorAhd #NarendraRathod pic.twitter.com/Ii1XNPwoBO

— VTV Gujarati News (@VtvGujarati) July 20 2018

આ સાથે અમદાવાદના વસ્ત્રાપુર અને હેલ્મેટ ચાર રસ્તા વિસ્તારમાં ભારે વરસાદને પગલે રસ્તાઓ પર પાણી ભરાયા હતા. જેને લઈને વાહનચાલકોએ ભારે હાલાકીનો સામનો કરવો પડ્યો. બીજી તરફ કોઈ પણ સ્થિતિને પહોંચી વળવાનો દાવો કરતા તંત્રની પણ પોલ ખુલી ગઈ. બપોર પછી અમદાવાદના મણિનગર ખોખરા હાટકેશ્વર અમરાઈવાડી સહિતના પૂર્વ વિસ્તારોમાં વરસાદ વરસતા શહેરીજનોમાં ખુશીનો માહોલ છવાઈ ગયો છે. 

વરસાદ પડતાં લોકોને ગરમીથી આંશિક મળી છે. ઉલ્લેખનીય છે કે છેલ્લા ઘણા દિવસોથી બફારાનો અનુભવ થઈ રહ્યો ત્યારે બપોર પછી વરસાદનું આગમન થતાં વાતાવરણમાં ઠંડક પ્રસરી છે. અમદાવાદમાં લાંબા સમય બાદ વરસાદ વરસતાં શહેરીજનોએ વરસાદમાં પલળીને મઝા માણી હતી. 
 
અમદાવાદના વસ્ત્રાપુર વિસ્તારમાં ધોધમાર વરસાદથી ચોતરફ પાણી પાણી થઈ ગયું. રસ્તા પર પામી ભરાઈ જતાં લોકોને હાલાકીનો સામનો કરવો પડયો જો કે સિઝનમાં પહેલી વખત સારો વરસાદ પડતા લોકોમાં ખુશી જોવા મળી. શહેરના ગીતામંદિર વિસ્તારમાં ભારે વરસાદ વરસી રહ્યો છે.ધોધમાર વરસાદ સાથે ગીતા મંદિર સહિત અનેક વિસ્તારોમાં પાણી ભરાયા છે. જેથી વાહન ચાલકોને હાલાકીનો સામનો કરવા પડી રહ્યો છે.
 

#AhmedabadRains #Hatkeshwar બેટમાં ફેરવાયુ#Maninagar BRTS ટ્રેકમા પાણી ભરાયા
જવાહરચોક પુનિતનગર રેલવે ફાટક પાસે પાણી ભરાયા
ખોખરા ગુજરાત હાઉસીગ બોડઁના વિસ્તારોમા પાણી ભરાયા@AhmedabadAMC @CollectorAhd @vnehra pic.twitter.com/ZY3XMyqqDJ

— VTV Gujarati News (@VtvGujarati) July 20 2018

તો આ તરફ અમદાવાદના પૂર્વના વિસ્તારો બાપુનગર મણીનગર ઇસનપુર અને સેટેલાઇટમાં સારો વરસાદ થયો છે. શહેરના મધ્ય ભાગ જમાણપૂરમાં પણ ભરપૂર વરસાદ થયો છે. ઘણા સમયથી રાહ જોતા અમદાવાદવાસીઓમાં વરસાદથી ખુશી જોવા મળી હતી. એક સાથ ઘણો વરસાદ થવાથી કેટલાય વિસ્તારોમાં પાણી ભરાયા હતાં.  શહેરમાં વરસાદની ધમાકેદાર બેટીંગથી લોકો ખુશ માહોલમાં જોવા મળ્યા અને વરસાદની મજા લૂંટવા માટે લોકો ખાસ રિવરફ્રન્ટ પર ઉમટી પડયા હતા અને નાના બાળકોની સાથે મન મુકીને લોકોએ વરસાદનો લૂફ્ત ઉઠાવ્યો હતો. 

ઘણા દિવસના વિરામ બાદ અમદાવાદમાં વરસાદની ધમાકેદાર રિ-એન્ટ્રીથી અમદાવાદવાસીઓમાં ખુશી જોવા મળી હતી. અમદાવાદના જૂહાપુરમાં વિસ્તારમાં પણ સારો એવો વરસાદ થયો છે. સમગ્ર વિસારાત પાણી-પાણી થઇ ગયો હતો. જૂહાપૂરોનો વિસ્તાર પાણીના ગરકાવ થવાથી લોકોએ હાલાકીનો સામનો કરવો પડયો હતો. 



નિકોલ વિસ્તારમાં વરસાદી પાણીને લઈને ગોઠણ સુધી પાણી ભરાયા. જ્યારે ઓઢવ વિસ્તારમાં રસ્તાઓ પાણીમાં ગરકાવ થયા તો ગીતા મંદિર વિસ્તારમાં ભારે વરસાદને લઈને રસ્તાઓ જળાશયમાં ફેરવાયા જ્યારે દાણીલીમડા વિસ્તામાં પણ પહેલા જ વરસાદમાં પાણી ભરાતા તંત્રની પ્રિમોનસુન એક્ટિવીટીની પોલ ખૂલી ગઈ છે.