વરસાદ અંગે હવામાન ખાતાની આગાહી આગામી 4 દિવસમાં થઇ શકે મેઘ મહેરબાન

અમદાવાદ: રાજ્યમાં ફરી એક વખત મેઘરાજાએ પધરામણી કરી છે. શહેરના જૂદા-જૂદા વિસ્તારમાં વરસાદ પડ્યો છે. ખાસ કરીને લાલ દરવાજા સુભાષ બ્રિજ સાબરમતી ચાંદખેડા સહિતના વિસ્તારોમાં વરસાદ પડતા સ્થાનિકોમાં ખુશીની લહેર જોવા મળી છે. ત્યારે રાજ્યના હવામાન વિભાગે આગામી 4 દિવસ પણ હળવાથી ભારે વરસાદની આગાહી કરી છે.

તો આ તરફ અમદાવાદમાં બપોર બાદ ફરી ધીમી ધારે વરસાદનું આગમન થયું છે. શહેરના અનેક વિસ્તારોમાં વરસાદી માહોલ જોવા મળી રહ્યો છે. SG હાઈવે નવરંપુરા આશ્રમરોડ પાલડી રાયપુર અને ખોખરા સહિતના વિસ્તારોમાં વરસાદ પડયો છે.

રાજ્યના હવામાન ખાતાનાં જણાવ્યા અનુસાર દક્ષિણ ગુજરાત અને સૌરાષ્ટ્રમાં ભારે વરસાદ પડી શકે છે. દરિયા કાંઠા વિસ્તારોમાં પણ ભારે વરસાદ પડવાની શક્યતા છે.  
 
બપોર પછી જામી પડેલ વરસાદ શહેરના SG હાઇવે ગોતા સરખેજ અને બોડકદેવ વિસ્તારમાં વરસાદ ખાબક્યો હતો. વરસાદની એન્ટ્રી થતા સ્થાનિકો વરસાદની મજા માળવા માટે રસ્તા પર જોવા મળ્યા હતા. વરસાદ આવતા નીચાણવાળા વિસ્તારોમાં પાણી ભરાયા હતા.

ઉલ્લેખનીય છે કે લાંબા સમય બાદ વરસાદની ધમાકેદાર એન્ટ્રી થઇ છે શ્રાવણમાં સરેવડાની જગ્યાએ શ્રાવણમાં શ્રીકાર વરસાદ રાજ્યના ખેડૂતોન પણ ખુશીથી ઝૂમી ઉઠ્યા હતા. ત્યારે રાજ્યના હવામાન ખાતાએ આગામી 4 દિવસમાં ભારથી અતિભારે વરસાદ થવાની આગાહી કરવામાં આવી છે.