સંકટ / ઠંડી વચ્ચે માવઠામાં ઠુઠવાઇ રહ્યું છે ગુજરાત,આ જિલ્લાઓમાં કમોસમી વરસાદની આગાહી

• ગુજરાતમાં ઠંડી વચ્ચે વરસાદની સંભાવના
• રાજ્યમાં 2 દિવસ કમોસમી વરસાદની આગાહી
• 2 દિ' સૌરાષ્ટ્ર અને કચ્છમાં પણ પડશે વરસાદી માવઠું

ગુજરાતમાં ઠંડી વચ્ચે વરસાદની સંભાવના

રાજ્યના હવામાન વિભાગની આગાહી અનુસાર અમદાવાદ સહિત સમગ્ર રાજ્યમાં આગામી 2 દિવસો સુધી કમોસમી વરસાદની આગાહી કરવામાં આવી છે. જેમાં અમદાવાદ શહેર અને ગ્રામ્ય વિસ્તારો તેમજ સૌરાષ્ટ્ર અને કચ્છમાં પણ કમોસમી વરસાદ પડવાની આગાહી કરવામાં આવી છે. આ સાથે રાજ્યમાં 48 કલાક સુધી ઠંડીનું જોર રહેશે યથાવત બીજી તરફ દરિયા કિનારે ઝડપી પવન ફુંકાવાની શક્યતાને લઈ તંત્ર અલર્ટ થયું છે. જેને લઈને વહીવટીતંત્ર દ્વારા માછીમારોને દરિયો નહીં ખેડવા અપાયા છે સૂચના આપવામાં આવી છે  

ખેડૂતોની ચિંતા વધી..!

ગ્લોબલ વોર્મિંગની અસર હવે વાતાવરણ ઉપર પણ જોવા મળી રહી છે. જેને કારણે ઋતુચક્ર સતત બદલાતું રહ્યું છે. જુલાઈ બાદ શરૂ થતો વરસાદ મોડે સુધી રહે તો ખેડૂતોની મુશ્કેલી વધી જાય છે. તેમાં પણ ચોમાસા બાદ સમયાંતરે થતો કમોસમી વરસાદ ખેડૂતોની ચિંતા વધારી દે છે. હાલમાં પણ હવામાન વિભાગ દ્વારા દક્ષિણ ગુજરાતમાં 22 જાન્યુઆરીથી કમોસમી વરસાદ પડવાની સંભાવના દર્શાવી છે. જેને પગલે પાક પકવતા ખેડૂતોની ચિંતામાં વધારો થયો છે. 

શું છે હવામાન વિભાગની આગાહી?

હવામાન વિભાગની આગાહી પ્રમાણે, 22મી તારીખે, શનિવારે અમરેલી, ભાવનગર, ગીર સોમનાથ અને આણંદ, દાહોદ, મહીસાગર, પંચમહાલ, વડોદરા, ભરૂચ, સુરત, છોટા ઉદેપુર, નવસારી સહિત સૌરાષ્ટ્ર અને ઉત્તર તથા દક્ષિણ ગુજરાતના વિસ્તારોમાં માવઠાંની આગાહી કરાઈ છે. આ સાથે ગુજરાતના દરિયામાં 60 કિ.મી.ની તીવ્ર ઝડપ સુધી પવન ફૂંકાવાની શક્યતાના કારણે માછીમારોને દરિયો નહીં ખેડવા ચેતવણી આપવામાં આવી છે.

ઠંડીનું જોર પણ વધશે

23 જાન્યુઆરીથી એક અઠવાડિયા દરમિયાન અમદાવાદ સહિત રાજ્યના મોટાભાગના વિસ્તારોમાં ઠંડીનો પારો ગગડવાની શક્યતા છે. જેથી ફરીથી રાજ્યમાં કાતિલ ઠંડીનું મોજુ ફરી વળશે