આગાહી / મેઘરાજા! હવે તો ખમૈયા કરો! હવામાન વિભાગનું Alert, લો પ્રેશરના કારણે આ વિસ્તારોમાં પડશે ભારે વરસાદ

• હવામાન વિભાગે કરી આગાહી
• અંદામાન સાગરમાં સર્જાયુ લો પ્રેશર
• આગામી 2-3 દિવસ સુધી દરીયાકાંઠાના વિસ્તારોમાં સ્થિતિ કપરી

આગામી 2-3 દિવસ સુધી દરીયાકાંઠાના વિસ્તારોમાં સ્થિતિ કપરી

હવામાનની આગાહી કરતી એજન્સી પ્રમાણે, આગામી 2-3 દિવસ દરમ્યાન તામિલનાડુ અને દક્ષિણ આંધ્ર પ્રદેશના કિનારા પર સ્થિતિ ખરાબ રહેશે. આ દરમ્યાન હવાની ગતિ 40-50 કિમી પ્રતિ કલાક રહી શકે છે. જ્યારે થોડા વિસ્તારમાં હવાની ગતિ 60 કિલોમીટર પ્રતિ કલાક રહેવાનું અનુમાન છે.

મહારાષ્ટ્રના દરીયાકાંઠા વિસ્તારોમાં હળવા વરસાદની શક્યતા

IMD મુજબ, 29 નવેમ્બરથી મહારાષ્ટ્રના દરીયાકાંઠા વિસ્તારોમાં હળવો વરસાદ શરૂ થઇ શકે છે. જ્યારે 30 નવેમ્બર સુધી વરસાદમાં વધારો થાય તેવી સંભાવના છે. હવામાનની આગાહી પ્રમાણે, સાંગલી, સતારા, કોલ્હાપુર, સિંધુદુર્ગ, રત્નાગિરી, મુંબઈ, પુણે, નાસિક અને જલગાંવમાં વરસાદ થવાની શક્યતા છે.

♦ Squally weather with maximum wind speed reaching 40-50 gusting to 60 kmph is likely to prevail over south Andaman Sea on 29th; over south Andaman Sea and adjoining southeast Bay of Bengal on 30th & over Southeast adjoining Eastcentral Bay of Bengal and Andaman Sea on 01st Dec.

— India Meteorological Department (@Indiametdept) November 27, 2021

1 ડિસેમ્બરે ગુજરાતમાં અહીં વરસાદની આગાહી

જ્યારે 1 ડિસેમ્બરે ગુજરાતના દક્ષિણ વિસ્તાર સહિત મધ્ય પ્રદેશના પશ્ચિમ તથા દક્ષિણ પશ્ચિમી વિસ્તારોમાં વરસાદ થવાની આશા છે. તો રાષ્ટ્રીય રાજધાની દિલ્હીની વાત કરીએ તો હવાની ગુણવત્તા એટલેકે એર ક્વોલિટી ઈન્ડેક્સ હજી પણ ખરાબ શ્રેણીમાં છે. દિલ્હીમાં 29 નવેમ્બરે સરેરાશ એર ક્વોલિટી ઈન્ડેક્સ 372 નોંધવામાં આવ્યો છે, જે ખૂબ ખરાબ શ્રેણીમાં આવે છે.