વાવાઝોડુ / Cyclone Amphan: ભયાનક વાવાઝોડા 'અમ્ફાન'થી 10ના મોતની આશંકા, કોલકાતામાં કેટલીક ઇમારતોને નુકસાન

• વાવાઝોડા 'અમ્ફાન'થી અત્યાર સુધીમાં 10 લોકોના મોત થયા છે
• પ.બંગાળના ઉત્તર 24 પરગના જિલ્લાના મિનખામાં એક 55 વર્ષની મહિલાનું મોત થયું

પ.બંગાળના ઉત્તર 24 પરગના જિલ્લાના મિનખામાં એક 55 વર્ષની મહિલાનું મોત થયું છે. બતાવાઇ રહ્યું છે કે મહિલા પર ઝાડ પડી ગયું હતું. જ્યારે હાવડામાં એક ટિન શેડ ઉડવાથી અને તેની ઝપેટમાં આવી જતા એક 13 વર્ષની છોકરીનું મોત થયું છે. વાવાઝોડા 'અમ્ફાન'થી અત્યાર સુધીમાં 10 લોકોના મોત થયા છે. તેમાંતી બે મોત પશ્ચિમ બંગાળમાં થયા છે. 

#WATCH West Bengal: Rainfall and heavy winds in North 24 Parganas as #CycloneAmphan made landfall. pic.twitter.com/noHLgqJhPX

— ANI (@ANI) May 20, 2020

વાવાઝોડુ 'અમ્ફાન'નું લેન્ડફોલ શરૂ

એનડીઆરએફના ડીજી એસએન પ્રધાને બુધવારે સાંજે પ્રેસ કોન્ફરન્સમાં જાણકારી આપતા કહ્યું કે બંગાળમાં સુપર સાઇક્લોન 'અમ્ફાન'નું લેન્ડફોલ શરૂ થઇ ગયું છે. આગામી કેટલાક કલાકો મહત્વપૂર્ણ છે, કેમકે લગભગ 4 કલાક સુધી લેન્ડફોલની પ્રક્રિયા ચાલશે. અમે સ્થિતિ પર નજર બનાવી રાખી છે. વાવાઝોડાનું લેન્ડફોલ બાદ અમારુ કામ શરૂ થાય છે. 

કોલકાતામાં કેટલીક ઇમારતોને નુકશાન 

સુપર સાઇક્લોન 'અમ્ફાન' એ બુધવારે પશ્ચિમ બંગાળમાં દસ્તક દીધી. કોલકાતામાં આ વાવાઝોડાની ઝપેટમાં આવવાથી ઘણી ઇમારતોને નુકશાન પહોંચ્યું છે. જ્યારે કોલકાતા અને તેની આસપાસના વિસ્તારોમાં 100 કિલોમીટર પ્રતિ કલાકની ઝડપથી પવન ફૂંકાવાની સાથે-સાથે ભારે વરસાદ પડી રહ્યો છે. વાવાઝોડાથી મોટી સંખ્યામાં ઝાડ અને વીજળીના થાંભલા ઉખડી ગયા, જ્યારે કાચા મકાનોને પણ ઘણું નુકશાન થયું હતું. 

તેઓએ આગળ કહ્યું કે ઓરિસ્સામાં એનડીઆરએફની 20 ટીમ અને પશ્ચિમ બંગાળમાં 19 ટીમ તહેનાત છે. જ્યારે પ.બંગાળ અને ઓરિસ્સા એમ બંને રાજ્યોમાં મળીને 41 ટીમો તહેનાત કરાઇ છે. 

Super Cyclone #Amphan is crossing West Bengal Coast between Digha&Hatiya close to Sunderban. The forward sector of wall clouds has entered into the land. Landfall process will continue and take 2-3 hours to complete: IMD in a bulletin issued at 4:30 pm; Visuals from Digha pic.twitter.com/DfSq4kVC17

— ANI (@ANI) May 20, 2020

જ્યારે ભારતીય હવામાન વિભાગના ડિરેક્ટર મૃત્યુજંય મહાપાત્રાએ કહ્યું કે સુપર સાઇક્લોન 'અમ્ફાન' પં.બંગાળમાં સુંદરવનની પાસે પહોંચી રહ્યું છે. વાવાઝોડાને કારણે ઓરિસ્સામાં લગભગ 106 કિલોમીટર પ્રતિ કલાકની ઝડપે પવન ફૂંકાઇ રહ્યા છે.