આવનારા 24 કલાકમાં પશ્ચીમી વિક્ષોભના કારણે દેશના અનેક વિસ્તારોમાં વરસાદ અને કરાની શક્યતા છે તો ક્યાંક કાળઝાળ ગરમી પડશે.
હવામાન વિભાગની આગાહી
માર્ચમાં જ ગરમીની શરૂઆત
પશ્ચીમી વિક્ષોભની અસરના કારણે ક્યાંક વરસાદ તો ક્યાંક ગરમી
માર્ચનું બીજું અઠવાડિયું શરૂ થતાં જ દેશમાં ગરમીની શરૂઆત થઈ ગઈ છે. ઉત્તર ભારતના પહાડોમાં બરફવર્ષા બાદ મેદાની વિસ્તારોમાં અનેક જગ્યાઓએ વરસાદની શક્યતા છે. આ સિવાય દેશના પશ્ચીમી વિસ્તારોમાં પણ અનેક જગ્યાઓએ વરસાદની શક્યતા છે. ઉત્તર મધ્ય ભારતમાં ખાસ કરીને મહારાષ્ટ્ર અને વિદર્ભમાં સતત ગરમી વધી રહી છે. મહારાષ્ટ્રના અનેક વિસ્તારોમાં તાપમાન 40 ડિગ્રી પહોંચ્યું છે.
08-03-2021; 1950 IST ; Thunderstorm with light to moderate intensity rain would occur over adjoining areas of Agra, Tundla, Firozabad, Sikanderabad(U.P.), Laxamangarh, Nagar, Nadbai, Bharatpur, Deeg, Bayana, Dholpur (Rajasthan). pic.twitter.com/Hj4VFTTvz7
— India Meteorological Department (@Indiametdept) March 8, 2021
હવામાન વિભાગે ગુલમર્ગમાં 22 ઈંચ હિમવર્ષાની આગાહી કરી
કાશ્મીર ઘાટીના અનેક વિસ્તારોમાં સોમવારે વરસાદ થયો છે તો રવિવારે ગૂલમર્ગમાં પણ હિમવર્ષા થઈ હતી. હવામાન વિભાગે ગુલમર્ગમાં 22 ઈંચ હિમવર્ષાની આગાહી કરી છે. અહીં ગુરેજમાં 5, તુલૈલમાં 7 અને રાજદાન ટોપમાં 7 ઇંચ બરફ પડ્યો છે. છેલ્લા અનેક દિવસોથી કડકડતી ગરમી બાદ સોમવારે પશ્ચિમી વિક્ષોભની અસરના કારણે પૂર્વ રાજસ્થાનમાં વાદળ છવાયા છે અને હવામાનનો મિજાજ બદલાતા વરસાદ શરૂ થયો છે.
પશ્ચિમી વિક્ષોભની અસર
સ્કાઈમેટ વેધરના અનુસાર પશ્ચિમી વિક્ષોભની આ સમયે જમ્મૂ કાશ્મીર અને તેનાથી અડેલા હિમાચલ પ્રદેશની ઉપર છે. તેના કારણે આ સમયે ચક્રવાતી હવાઓું ક્ષેત્ર ઉત્તર પશ્ચીમી રાજસ્થાન અને તેનાથી અડેલા વિસ્તારો પર રહે છે. ઉત્તર પૂર્વી બાંગ્લાદેશ અને તેનાથી પાસેના વિસ્તારો પર પણ ચક્રવાચી હવાઓનું ક્ષેત્ર બન્યું છે.
આ વિસ્તારોમાં થશે વરસાદ
આવનારા 24 કલાકમાં પશ્ચિમી હિમાલયી રાજ્યોમાં સામાન્યથી મધ્યમ વરસાદ અને કરા પડી શકે છે. આ સિવાય દેશના પૂર્વોત્તર વિસ્તારોમાં કેટલાક સ્થાનોએ સામાન્ય વરસાદની સાથે એક-બે સ્થાનો પર મધ્યમ વરસાદના આસાર છે. દક્ષિણી તમિલનાડુમાં થોડી જગ્યાઓએ જ્યારે દક્ષિણી કેરળમાં એક-બે સ્થાનોએ વરસાદની શક્યતા છે.
ગુજરાતમાં પણ પારો રહેશે ઉપર, વધશે ગરમી
હવામાન વિભાગે આકરા ઉનાળા માટે તૈયાર રહેવા કહ્યું છે. માર્ચ મહિનાની શરૂઆતથી જ કાળઝાળ ગરમીની આગાહી કરાઇ છે. હવામાન વિભાગે આ વર્ષે આકરી ગરમી પડશે તેવી આગાહી કરી છે. અમદાવાદ, વડોદરા, રાજકોટ, ભુજ, ડીસા અને નલિયા સહિતમાં ગરમીનો અહેસાસ થશે. જ્યારે 14થી 15 માર્ચ બાદ પણ તાપમાન વધવાની શક્યતા છે.