આફત / નિસર્ગ વાવાઝોડું નબળું પડતા મહારાષ્ટ્ર પરથી મોટી આફત ટળી, પવન સાથે વરસાદ યથાવત

• મહારાષ્ટ્ર પરથી મોટી ઘાત ટળી
• નિસર્ગ વાવાઝોડું દરિયામાં નબળું પડ્યું 

જેના કારણે મુંબઇના મોટાભાગના વિસ્તારોમાં ભારે પવન સાથે વરસાદ પડ્યો હતો. તો મુંબઇ એરપોર્ટ પણ બંધ રાખવામાં આવ્યું હતું. ત્યારે હવે આ તોફાન મહારાષ્ટ્રના દરિયામાં જ નબળું પડી ગયું હોવાની જાણકારી પ્રાપ્ત થઇ હતી. 

કોઇ જાનહાનિ નહીં 

ઉલ્લેખનીય છે કે, તોફાનને કારણે 196 જગ્યાએ ઝાડ પડવાની ઘટનાઓ બની હતી તો 9 જગ્યાએ મકાન પણ પડી ગયા હતા. આ સિવાય શહેરમાં 39 જગ્યાએ શોર્ટ સર્કિટની ઘટના બની છે. જો કે, નિસર્ગ વાવાઝોડાને કારણે કોઇ જાનહાની થઇ હોવાના અહેવાલ પ્રાપ્ત થયાં નથી. 

મુંબઇ ઉપરથી આફાત ટળી 

આપને જણાવી દઇએ કે, મુંબઇ ઉપરથી આફત ટળી ચૂકી છે. તો મુંબઇના મોટાભાગના વિસ્તોરોમાં હજી વરસાદ ચાલું છે. આ સાથે જ 50 કિમી પ્રતિ કલાકની ઝડપથી પવન ફૂંકાઇ રહ્યો છે. 

અલીબામાં નિસર્ગ વાવાઝોડું નબળું પડ્યું 

નોંધનીય છે કે, નિસર્ગ વાવાઝોડું અલીબાગ તટ સાથે ટકરાયું હતું. અલીબાગમાં ભારે પવન સાથે વરસાદ પડી રહ્યો છે. તો હવામાન ખાતાના જણાવ્યા પ્રમાણે વાવાઝોડું લેન્ડફોલ થયું હતું. જો કે, વાવાઝોડાને કારણે વૃક્ષો ધરાશાયી થવાની ઘટનાઓ ખૂબ બની હતી. તો તંત્ર દ્વારા પણ લોકોને ઘરમાં જ રહેવાની અપીલ કરવામાં આવી છે.

We expect that #CycloneNisarga will weaken into a deep depression within the next three hours and further weaken into a depression in the next 6 hours. Currently, it lays centered over Pune in Maharashtra: Mrutyunjay Mohapatra, Director General of India Meteorological Department pic.twitter.com/H3koNEJxdL

— ANI (@ANI) June 3, 2020

ગુજરાતમાં પણ જોવા મળી વાવાઝોડાની અસર 

નિસર્ગ વાવાઝોડાની અસર હવે દ્વારકાના દરિયા કિનારે પણ જોવા મળી. દ્વારકાનો દરિયો પણ તોફાની થઈ ગયો અને ગોમતી ઘાટ સુધી દરિયાના પાણી પહોંચી ગયા. દરિયો ગાંડોતૂર થતાં ઉંચા મોજા પણ ઉછળ્યા હતા. તો નિસર્ગ વાવાઝોડાની અસરના કારણે દક્ષિણ ગુજરાતમાં પવન સાથે વરસાદ પડવાની આગાહી હવામાન વિભાગે કરી છે. 

#WATCH: High tides hit Dwarka Coast in Gujarat. #CycloneNisarga pic.twitter.com/gTrRBN1RGZ

— ANI (@ANI) June 3, 2020

દરિયા કિનારે કરંટ જોવા મળ્યો 

ત્યારે નવસારીના દરિયાકાંઠા વિસ્તારમાં આવાલે ભાટ ગામમાં દરિયો સંરક્ષણ દિવાલથી 1 કિમી દૂર સુધી અંદર પહોંચી ગયો. છે. દરિયામાં કરંટ જોવા મળી રહ્યાં છે. તો તેજ પવનના કારણે કાચા મકાન, વૃક્ષો અને વીજપોલને પણ અસર થઇ શકે છે. દરિયામાં કરંટ જોવા મળતા ભાટ ગામમાં આવવા જવા પર રોક લગાવી દેવામાં આવી છે. અને પોલીસ અને NDRFની ટીમ પણ સજ્જ કરી દેવાઇ છે. તો બોરસી માછીવાડ ગામમાં દરિયા કિનારે કરંટ જોવા મળ્યો. હાલ NDRFની ટીમ સ્ટેન્ડબાય રખાઇ છે. અને દરિયાકિનારે જવા પર પ્રતિબંધ મૂકી દેવાયો છે.