પૂર્વોત્તર ભારતમાં બંગાળની ખાડીથી આવનારા દક્ષિણ-પૂર્વી હવાના કારણે વરસાદી શક્યતા છે અનેક વિસ્તારોમાં ગરમી પણ વધશે.
હવામાન વિભાગની આગાહી
દેશના આ રાજ્યોમાં વધશે ગરમી
આજે ઉત્તરમાં પહાડો પર વરસાદની સ્થિતિ
ઉત્તર ભારતના પહાડી વિસ્તારોમાં એક વાર ફરીથી વરસાદની સ્થિતિ છે. મેદાની વિસ્તારોમાં હાલમાં લોકોને ગરમીથી રાહત મળશે નહીં. અન્ય તરફ પૂર્વોત્તર ભારતમાં પણ મોસમનો મિજાજ બદલાઈ રહ્યો છે. અહીં અનેક વિસ્તારોમાં ભારે વરસાદની આશંકા છે. દિલ્હી સહિત ઉત્તર ભારતના અનેક વિસ્તારોમાં ભયંકર ગરમી પડશે.
આ વિસ્તારોમાં લોકો ઘરમાં રહેવા થશે મજબૂર
હિમાચલ પ્રદેશમાં સીઝનમાં ફેરફાર જોવા મળી રહ્યો છે. રવિવાર રાતથી જ લાહોલમાં ઘાટીમાં હિમવર્ષા શરૂ થઈ છે. આ સાથે રાજ્યમાં જનજીવન અસ્ત વ્યસ્ત થયું છે. લોકો ઘરમાં રહેવા મજબૂર બન્યા છે. રોહતાંગ ટનલમાં પણ અનેક બસ ફસાઈ છે. હવામાન વિભાગના આધારે હિમપાતના કારણે ચટ્ટાનો ખસવાની સાથે સાથે હિમ સ્ખલનનો ખતરો પણ અનેક ગણો વઘી રહ્યો છે.
આ વિસ્તારોમાં પડશે બરફ
સ્કાઈમેટની આગાહી અનુસાર પશ્ચિમી વિક્ષોભની અસર આ સમયે પશ્ચિમી હિમાલયી વિસ્તારોને પ્રભાવિત કરી રહી છે. આ સાથે લદ્દાખ, જમ્મૂ અને કાશ્મીર, હિમાચલમાં બરફ વર્ષા અને વરસાદ થશે, મંગળવારે લદ્દાખ અને તેની પાસેના જમ્મૂ અને કાશ્મીરમાં અલગ અલગ જગ્યાઓએ હિમ વર્ષા થશે.
બદલાઈ રહ્યો છે મોસમનો મિજાજ
પૂર્વોત્તર ભારતમાં બંગાળની ખાડીથી આવનારી દક્ષિણ પૂર્વી હવાઓની સાથે વરસાદની શક્યતા વધી છે. અહીં કેરળ અને આસપાસના વિસ્તારોમાં એક ટ્રફના કારણે વરસાદની શક્યતા રહી હતી. હવામાન વિભાગના અનુસાર અસમ, મેઘાવય, નાગાલેન્ડ, મણિપુર, મિઝોરમ, પૂર્વોત્તર, ત્રિપુરામાં ગરજ સાથે વરસાદની સ્થિતિ બની રહી છે. મોસમ વિભાગના અનુસાર 2 એપ્રિલ સુધી પૂર્વોત્તર ભારતમાં ભારે વરસાદ થવાનું પૂર્વાનુંમાન કરાયું છે.
દિલ્હીમાં તૂટ્યો રેકોર્ડ
દિલ્હીમાં હોળીના દિવસે સોમવારે સૌથી વધારે તાપમાન 40.1 ડિગ્રી સેલ્સિયસ નોંધાયું હતું. જે 76 વર્ષમાં માર્ચ મહિનામાં સૌથી વધારે હતું. મોસમ વિભાગ અનુસાર ક્ષેત્રીય પૂર્વાનુમાન કેન્દ્રના પ્રમુખ કુલદીપ શ્રીવાસ્તવે કહ્યું કે સફદરજંગમાં વધુમાં વધુ તાપમાન 40.1 ડિગ્રી સેલ્સિયસ નોંધાયું છે જે સામાન્યથી 8 ડિગ્રી વધુ છે. દિલ્હીમાં 1973માં માર્ચમાં સૌથી વધુ તાપમાન 39.6 ડિર્ગી નોંધાયું હતું.