સૌરાષ્ટ્ર / શિયાળો કે ચોમાસું ? જૂનાગઢ જિલ્લામાં ધોધમાર વરસાદ, ખેતરોમાં પાણી ભરાયા, હજુ આ બે દિવસ આગાહી

• રાજ્યમાં વરસાદની આગાહી 
• જૂનાગઢના માળીયા હાટીનામાં ધીમી ધારે વરસાદ
• ખેડૂતોમાં ચિંતાનો માહોલ 

નોંધનીય છે કે, શિયાળાની શરૂઆતના તબક્કામાં કમોસમી વરસાદ પડતા સ્થાનિક ખેડૂતોની ચિંતામાં પણ વધારો થયો છે. આ સાથે જ ડુંગળી, ધાણા, ઘઉં સહિતના પાકમાં નુકસાન થવાની ભીંતી સર્જાઇ છે. 

પીપાવાવ અને જાફરાબાદ બંદરે લગાવાયું 1 નંબરનું સિગ્નલ 

અમરેલીના પીપાવાવ, જાફરાબાદ બંદરે એક નંબરનું સિગ્નલ લગાવવામાં આવ્યું છે. અરબ સાગરમાં સક્રિય થયેલા લો-પ્રેશરના કારણે સિગ્નલ લગાવવામાં આવ્યું છે. આગામી 4 દિવસમાં માછીમારોને દરિયો ન ખેડવા સૂચના આપવામાં આવી છે. દરિયો રફ બનવાના પગલે માછીમારોને સાવચેત કરવામાં આવ્યાં છે. અમરેલી જિલ્લાની કુલ 700 જેટલી બોટો અત્યારે દરિયામાં છે.

હવામાન વિભાગ દ્વારા કરાઇ છે વરસાદની આગાહી 

રાજ્યમાં હવામાન વિભાગ દ્વારા ફરી કમોસમી વરસાદની આગાહી કરવામાં આવતા ખેડૂતોની મુશ્કેલીમાં વધારો થાય તેવી સંભાવના જોવા મળી રહી છે. હવામાન વિભાગ દ્વારા આગામી 4 ડિસેમ્બરના રોજ ગુજરાતના વાતાવરણમાં પલટો જોવા મળે તેવી આગાહી સાથે કેટલાંક ભાગમાં વરસાદની સંભાવના વ્યક્ત કરવામાં આવી છે.

આ વિસ્તારમાં પડી છે વરસાદ

આણંદ, સુરત, ભરૂચ, વડોદરામાં વરસાદ પડી શકે છે. જ્યારે નર્મદા, વલસાડ, નવસારી,  ભાવનગર, અમરેલી, ગીર સોમનાથમાં પણ વરસાદ પડી શકે છે. ત્યારે વરસાદની આગાહીને લઇ માછીમારોને દરિયો ન ખેડવા સૂચના અપાઇ છે. જ્યારે રાજ્યમાં કમોસમી વરસાદની આગાહીથી ખેડૂતો ચિંતામાં મુકાયા છે.