હવામાન વિભાગ / 3 દિવસની આગાહી વચ્ચે સૌરાષ્ટ્રમાં મેઘમહેર, ખેડૂતો ચિંતામાં

હવામાન વિભાગે આગાહી કરી છે કે રાજ્યમાં આગામી 3 દિવસ વરસાદની શક્યતા છે. 26 તારીખે દ.ગુજરાતમાં ભારે વરસાદની આગાહી કરાઇ છે. 27 તારીખે દ.ગુજરાત અને સૌરાષ્ટ્રમાં વરસાદની આગાહી કરાઇ છે. જેને લઇને નવરાત્રીમાં પણ વરસાદ વરસી શકે છે.

હવામાન વિભાગની આગાહીના પગલે ગુજરાત સહિત સૌરાષ્ટ્રમાં વરસાદ થયો છે. ત્યારે અમરેલી જિલ્લામાં ફરીવાર મેઘમહેર થઇ છે. રાજુલાના ડુંગર અને સાજણવાવમાં વરસાદ થયો છે. વિરામબાદ ધોધમાર વરસાદ શરૂ થયો છે.

બોટાદના ગઢડામાં વિરામ બાદ ફરી મેઘ આગમન

બોટાદના ગઢડામાં આ વર્ષે મેઘરાજા મનમુકીને વર્સયા હતા. ત્યારે વિરામ બાદ ફરી એકવાર ધીમીધારે વરસાદ શરૂ થતા ખેડૂતોની ચિંતામાં વધારો થયો છે. ભારે વરસાદને કારણે પાકને ભારે નુકશાનની ભીતીને લઈને ખેડૂતોની ચિંતામાં વધારો થયો છે.

ગોંડલમાં ભારે પવન સાથે ધોધમાર વરસાદ

ગોંડલમાં ભારે પવન સાથે ધોધમાર વરસાદ વરસ્યો હતો. શહેરમાં ગાજ વીજ સાથે ધોધમાર વરસાદી માહોલ સર્જાયો. ભારે વરસાદને પગલે નીચાણવાળા વિસ્તારમાં પાણી ભરાયા હતા. તો આજુબાજુના ગ્રામ્ય પંથકમાં પણ વરસાદ જોવા મળ્યો હતો.

જૂનાગઢમાં ફરીથી ધીમી ધારે વરસાદ

ગુજરાતમાં વરસાદની આગાહીના પગલે સૌરાષ્ટ્ર સહિત ગુજરાતના વિવિધ ભાગોમાં સારો વરસાદ થયો હતો. જૂનાગઢમાં ફરીથી ધીમીધારે વરસાદ વરસ્યો હતો. ત્રણ દિવસના વિરામ બાદ ફરી વરસાદની શરૂઆત થઇ છે. કાળવા ચોક સહિતના વિસ્તારોમાં વરસાદ થયો હતો.

હિકા વાવાઝોડું ગુજરાત નહીં આવેઃ હવામાન વિભાગ

અરબ સાગરમાં ડીપ ડિપ્રેશનના કારણે હિકા વાવાઝોડું સર્જાયું છે. ત્યારે હવમાન વિભાગે જણાવ્યું હતું કે આ વાવાઝોડું ગુજરાત તરફ આવે એવી કોઈ શક્યતા નથી. છતા પણ ગુજરાતના માછી મારોને દરિયામાં ન જવા માટે સૂચના આપી દેવાઇ છે. સાથે NDRFની ટીમને પણ કચ્છમાં તૈનાત કરી દેવામાં આવી છે.