હવામાન / આગામી 48 કલાકમાં ગુજરાતમાં કમોસમી વરસાદની આગાહી, ખેડૂતોમાં ચિંતાની લહેર

• અમદાવાદ સહિત કેટલાક જિલ્લાઓમાં વરસાદની શક્યતા
• ભુજમાં સવારથી વીજળીના કડાકા સાથે વરસાદ
• કમોસમી વરસાદથી બીમારી વકરે તેવી દહેશત

કોરોનાના સંકટ વચ્ચે હવામાન વિભાગની આગાહી વચ્ચે રાજ્યના કેટલાક વિસ્તારોમાં કમોસમી વરસાદની આગાહી કરી છે. રાજ્યમાં થંડસ્ટ્રોમના કારણે રાજ્યના કેટલાક જિલ્લાઓમાં કમોસમી વરસાદની આગાહી રી છે. જો કે આ કમોસમી વરસાદના પગલે ખેડૂતોમાં ચિંતાની લહેર જોવા મળી રહી છે. 

 

હવામાન વિભાગ દ્વારા રાજ્યમાં થંડસ્ટ્રોમના કારણે આગામી 48 કલાકમાં વરસાદની આગાહી કરવામાં આવી છે. જેમાં અમદાવાદ સહિત કેટલાક જિલ્લાઓમાં વરસાદની સંભાવના વ્યક્ત કરવામાં આવી છે.

કોરોનાની સંકટ વચ્ચે હવામાન વિભાગ દ્વારા સૌરાષ્ટ્રના કેટલાક વિસ્તાર સહિત કચ્છમાં વરસાદની આગાહી કરી છે. આ સાથે ભૂજમાં આજરોજ સવારથી ભુજમાં વીજળીના કડાકા સાથે વરસાદી ઝાપટાં પડ્યા છે. જો કે કોરોનાના કહેરના કારણે કમોસમી વરસાદથી બીમારી વકરે તેવી સંભાવના વ્યકત કરવામાં આવી રહી છે. 

 

રાજ્યમાં એક તરફ જ્યાં જનતા લોકડાઉનના કારણે જીવનજરૂરિયાતની વસ્તુઓને લઇને હાડમારીનો સામનો કરી રહી છે ત્યારે કમોસમી વરસાદના પગલે હવે ખેડૂતોની ચિંતામાં વધારો થયો છે.