વાતાવરણમાં પલટો / ગુજરાતમાં ઠંડીની વચ્ચે આગામી 48 કલાક માવઠાની આગાહીઃ અમદાવાદ-રાજકોટમાં પલટાયું વાતાવરણ

• ગુજરાતમાં ઠંડીની વચ્ચે માવઠાની આગાહી
• આગામી બે દિવસ રાજ્યમાં વરસાદી વાતાવરણ રહેશે
• અમદાવાદના કેટલાંક વિસ્તારોમાં ઝરમર વરસાદ

અમદાવાદના કેટલાંક વિસ્તારોમાં ઝરમર વરસાદ

હવામાન વિભાગની આગાહી મુજબ આગામી બે દિવસ સુધી રાજ્યમાં કમોસમી વરસાદ પડી શકે છે. જેને લઇને અમદાવાદમાં આજે વહેલી સવારથી વાદળછાયું વાતાવારણ જોવા મળ્યું છે. જેને લઇને શહેરના કેટલાક વિસ્તારોમાં ઝરમર વરસાદ પડ્યો છે. શહેરમાં છેલ્લા બે દિવસથી વાદળછાયું વાતાવરણ છે. 

રાજકોટના વાતાવરણમાં પણ પલટો

રાજ્યમાં આગામી 48 કલાક સુધી હવામાન વિભાગની આગાહી મુજબ કેટલાક વિસ્તારોમાં કમોસમી વરસાદ પડી શકે છે. જેને લઇને રાજકોટના વાતાવરણમાં પલટો જોવા મળ્યો છે. જિલ્લાના અનેક વિસ્તારમાં વાદળછાયું વાતાવરણ જોવા મળ્યું. રાજ્યમાં આગામી 48 કલાક સુધી કમોસમી વરસાદની આગાહી આપવામાં આવી છે. 

 

અરવલ્લી જિલ્લાના વાતાવરણમાં પલટો

અરવલ્લી જિલ્લાના વાતાવરણમાં  પલટો જોવા મળ્યો છે. જિલ્લામાં વહેલી સવારથી ધુમ્મસભર્યું વાતાવરણ છવાયું છે. વાતાવરણમાં આવેલા પલટાથી ઠંડીનો ચમકારો વધ્યો છે. જો કે બીજી તરફ વાતાવરણમાં પલટો તેમજ કમોસમી વરસાદની આગાહી વચ્ચે ઘઉં, મકાઇ, ચણા સહિતના પાકમાં રોગચાળાની ભીતિ જોવા મળી રહી છે. જિલ્લામાં  1.25 લાખ હેકટરમાં રવિ પાકનું વાવેતર કરવામાં આવ્યું છે. 
 

અમદાવાદમાં વહેલી સવારે ધુમ્મસભર્યું વાતાવરણ જોવા મળ્યું હતું. જેના કારણે શહેરના એસ. જી. હાઇવે પર ધુમ્મસના પગલે વિઝીબિલીટી ઘટી ગયેલી જોવા મળી. જેના કારણે વાહનચાલકોને હાલાકીનો સામનો કરવો પડેલો જોવા મળ્યો. 

હવામાન વિભાગ આગામી બે દિવસ રાજ્યમાં વરસાદી વાતાવરણ

હવામાન વિભાગ દ્વારા રાજ્યમા આગામી બે દિવસ સુધી વરસાદી વાતાવરણ જોવા મળશે. આમ રાજ્યમાં ઠંડીની વચ્ચે હવામાન વિભાગ દ્વારા માવઠાની આગાહી કરવામાં આવી છે. જેમાં રાજ્યના નર્મદા, ડાંગ, દાહોદ, તાપી, વલસાડ, છોટા ઉદેપુરમાં વરસાદ પડી શકે છે.