ગુજરાતમાં વરસેલા ભારે વરસાદના પગલે રાજ્યના નદી-નાળા સહિત ડેમોમાં પાણીનું જળસ્તરમાં સતત વધારો થયો છે. જેને લઇને રાજ્યના અનેક ડેમો ઓવરફલો થયેલા જોવા મળ્યાં છે. ત્યારે હવામાન વિભાગની આગાહી મુજબ અરેબિયન સી માં બની રહેલા લૉ પ્રેશરના પગલે રાજ્યમાં ફરી વરસાદની વકી કરવામાં આવી રહી છે.
રાજ્યમાં વરસાદને લઇ હવામાન વિભાગની આગાહી
વિરામ બાદ ફરી વરસાદી સિસ્ટમ સક્રિય થશે
અરેબિયન સીમાં બની રહ્યું છે લો પ્રેશર
રાજ્યમાં વરસાદને લઇને હવામાન વિભાગે આગાહી કરી છે. થોડા સમયના વિરામ બાદ રાજય પર ફરી વરસાદી સિસ્ટમ સક્રિય થઇ રહેલી જોવા મળી છે.
હવામાન વિભાગના જણાવ્યાં અનુસાર અરેબિયન સીમાં લો પ્રેશર બની રહ્યું છે. અરેબિયનમાં બની રહેલા લો પ્રેશરથી રાજ્યમાં ફરી વરસાદની શક્યતા છે.
હવામાન વિભાગની આગાહી મુજબ આગામી બે દિવસ બાદ દક્ષિણ ગુજરાતમાં હળવાથી મધ્યમ વરસાદ પડે તેવી શક્યતા છે. દક્ષિણ ગુજરાતના વલસાડ, નવસારી, ભરૂચ, દાદરાનગર હવેલીમાં મધ્યમથી ભારે વરસાદ પડે તેવી સંભાવના વ્યક્ત કરવામાં આવી છે.
ગુજરાતમાં પડેલા સાર્વત્રિક વરસાદના પગલે રાજ્યના 94 તાલુકાઓમાં સિઝનનો 40 ઇંચ વરસાદ નોંધાઈ ચૂક્યો હતો. જેમાં 103 ડેમ 100% કરતા વધુ ભરાયા હતા. આ વખતે જો કે સૌથી વધુ વરસાદ કયા જિલ્લામાં થયો તેની વાત કરીએ તો કચ્છમાં 251.66 ટકા વરસાદ નોંધાયો હતો.
જ્યારે સૌરાષ્ટ્રમાં 162.64ટકા, દક્ષિણ ગુજરાતમાં 102.45 ટકા, ઉત્તર ગુજરાતમાં 101.72 ટકા, પૂર્વ મધ્ય ગુજરાતમાં 87.56 ટકા સરેરાશ વરસાદ નોંધાયો હતો.
10 ઈંચથી ઓછો વરસાદ એક પણ જિલ્લામાં નહીં
133 તાલુકાઓમાં 20 થી 40 ઇંચ સુધી વરસાદ નોંધાયો હતો. જ્યારે 10 ઇંચથી ઓછો વરસાદ વરસ્યો હોય તેવો એક પણ જિલ્લો નથી.