હવામાન વિભાગ દ્વારા 21મીએ દક્ષિણ ગુજરાત અને સૌરાષ્ટ્રમાં વરસાદની આગાહી કરવામાં આવી છે. હવામાન વિભાગના જણાવ્યાં અનુસાર બંગાળની ખાડીમાં લૉ પ્રેશર સિસ્ટમ સર્જાતાં વરસાદની સંભાવના છે. જ્યારે 23 જૂન બાદ રાજ્યમાં સાર્વત્રિક વરસાદની શક્યતા છે. ત્યારે વરસાદની આગાહી અગાઉ દ્વારકા અને જૂનાગઢના માંગરોળના દરિયામાં કરંટ જોવા મળ્યો.
દ્વારકાના દરિયામાં પવન સાથે ભારે કરંટ જોવા મળ્યો
વરસાદી માહોલ વચ્ચે દરિયામાં ભારે કરંટ જોવા મળ્યો
જૂનાગઢના માંગરોળના દરિયામાં જોવા મળ્યો કરંટ
દ્વારકાના દરિયામાં પવન સાથે ભારે કરંટ જોવા મળ્યો
દ્વારકાના વાદળછાયા વાતાવરણ વચ્ચે ભારે પવન સાથે વરસાદ શરૂ થયો હતો. તેમજ દરિયામાં પણ કરંટ જોવા મળી રહ્યો છે. દરિયાના મોજા 15 ફૂટ ઊંચા ઉછળી રહ્યાં છે. ભડકેશ્વર મંદિરમાં પર મોજા ઉછળતા અદભૂત નજારો સર્જાયો હતો.
દ્વારકામાં વાદળછાયા વાતાવરણ વચ્ચે વરસાદી ઝાપટું
દ્વારકામાં વાદળછાયા વાતાવરણ વચ્ચે વરસાદનું આગમન થયું હતું. વાવણી બાદ વરસાદ થતાં ખેડૂતોમાં ખુશીનો માહોલ જોવા મળ્યો હતો. દ્રારકામાં આજરોજ સવારથી જ વાદળછાયું વાતાવરણ હતું. વાદળછાયા વાતાવરણ વચ્ચે વરસાદનું આગમન થતાં વાતાવરણ ખુશનુમા બની ગયું હતું.
જૂનાગઢમાં માંગરોળના દરિયામાં જોવા મળ્યો કરંટ
જૂનાગઢના માંગરોળના દરિયામાં કરંટ જોવા મળી રહ્યો છે. દરિયામાં કરંટ હોવાથી દરિયાના મોજા ઉંચા ઉછળી રહ્યાં છે. તો બીજી તરફ દરિયા કિનારે ભારે પવન ફૂંકાઇ રહ્યો છે.