ગુજરાતમાં એક તરફ કોરોનાવાયરસ મહામારીનો કહેર જોવા મળી રહ્યો છે. બીજી તરફ બંગાળની ખાડીમાં લો પ્રેશર સક્રિય થતા રાજ્યમાં સારા વરસાદની આગાહી કરવામાં આવી છે. રાજ્યના ખેડૂતો માટે સારા સમાચાર આવી રહ્યાં છે. રાજ્યભરમાં આગામી 4 દિવસ દરમિયાન મેઘમહેર જોવા મળશે.
ગુજરાતમાં ચાર દિવસ વરસાદની આગાહી
અરબી સમુદ્રમાં સાયકલોનિક સિસ્ટમ સક્રિય થઈ
સૌરાષ્ટ્ર, દક્ષિણ ગુજરાત, કચ્છમાં સારો વરસાદ રહેશે
ઉત્તર અને મધ્ય ગુજરાતમાં પણ વરસાદની આગાહી
રાજ્યમાં કોરોના સંકટ વચ્ચે વરસાદને લઇને સારા સમાચાર આવી રહ્યાં છે. આગામી 4 દિવસ દરમિયાન સમગ્ર રાજ્યમાં મેઘમહેર જોવા મળશે. આમ છેલ્લા થોડા દિવસોથી રાજ્યમાં ગરમી સાથે બફારાનું પ્રમાણ વધેલું જોવા મળી રહ્યું છે. આમ આગામી દિવસોમાં વરસાદની આગાહીને લઇને ખેડૂતોમાં ફરી ખુશીની લહેર જોવા મળી રહી છે.
બંગાળની ખાડીમાં લો પ્રેશર સક્રિય થતાં રાજ્યમાં સારો વરસાદ થશે. જેમાં ઉત્તર અને મધ્ય ગુજરાતમાં વરસાદ પડશે. દક્ષિણ ગુજરાત, સૌરાષ્ટ્ર અને કચ્છમાં ભારે વરસાદની આગાહી કરવામાં આવી છે.
આ વર્ષે જુલાઈમાં 42% વરસાદ પડ્યો
જુલાઇ મહિનાને લઇને ગુજરાતમાં વરસાદની વાત કરીએ તો આ મહિનામાં 42 ટકા વરસાદ પડ્યો છે. જુલાઇ મહિનામાં અનેક વિસ્તારોમાં ઓછો વરસાદ જોવા મળ્યો છે. જુલાઇ મહિનામાં સિઝનનો 42.33 ટકા વરસાદ નોંધાયો છે. જુલાઇ મહિનામાં સિઝનનો 13.8 ઇંચ વરસાદ નોંધાયો છે. જ્યારે સૌથી વધુ કચ્છમાં 14.4 અને ઓછો ઉત્તર ગુજરાતમાં 7.8 ઇંચ વરસાદ નોંધાયો છે. જુલાઇ મહિનાની વાત કરીએ તો સૌરાષ્ટ્રમાં 19.2 ઇંચ અને મધ્ય ગુજરાતમાં 9 ઇંચ વરસાદ નોંધાયો છે.