ગુજરાતમાં આવનારા દિવસોમાં કાળઝાળ ગરમી પડશે તેવા એંધાણ, હવામાન વિભાગે સૌરાષ્ટ્રમાં હિટવેવની કરી આગાહી
હવામાન વિભાગની મોટી આગાહી
18 માર્ચ સુધી પારો વધવાની આગાહી
19 માર્ચથી તાપમાનમાં 2 થી 4 ડિગ્રી ઘટાડો થશે
રાજ્યમાં કાળઝાળ ગરમીની શરુઆત થઇ ગઇ છે. મોટાભાગના શહેરોમાં તાપમાન 40 ડિગ્રીને પાર પહોંચ્યુ છે. ત્યારે લોકોએ હજી પણ પરસેવે રેબઝેબ થવા તૈયાર રહેવું પડશે. હવામાન વિભાગે હજુ પણ વઘારે ગરમી પડશે તેવી આગાહી કરી છે. 18 માર્ચે ગુજરાતના અનેક શહેરોમાં હિટવેવની આગાહી કરવામાં આવી છે જો કે ત્યારબાદ તાપમાનમાં 2થી 4 ડિગ્રીનો ઘટાડો થઇ શકે છે તેમ પણ જણાવ્યું હતું,
સૌરાષ્ટ્રમાં હિટવેવની આગાહી
સૌરાષ્ટ્ર અને કચ્છમાં સિવિયર હિટવેવની આગાહી કરવામાં આવી છે. તેમાં પણ રાજકોટમાં તો અતિશય ગરમીની આગાહી કરવામાં આવી છે. પરિણામે સૌરાષ્ટ્ર અને કચ્છમાં ઓરેન્જ એલર્ટ જાહેર કરવામાં આવશે. સૌરાષ્ટ્રમાં સુરેન્દ્રનગર, રાજકોટ, અમરેલીમાં હિટવેવની અસર રહેશે તેમ પણ આગાહી કરી હતી.
અમદાવા
દમાં વધશે તાપમાન
આ તરફ અમદાવાદમાં પણ ગરમીનો પારો ઊંચો ચઢશે. આવનારા દિવસોમાં અમદાવાદમાં કાળઝાળ ગરમી પડશે તેમ હવામાન વિભાગે જણાવ્યું હતું. અમદાવાદમાં 41 ડિગ્રીએ તાપમાન પહોંચ્યું છે જેને કારણે અમદાવાદમાં યલો અલર્ટ જાહેર કરવામાં આવ્યું છે. જો કે આગામી સમયમાં અમદાવાદમાં પારો 42 ડિગ્રી સુધી પહોંચે તેવી શક્યતા પણ વ્યક્ત કરી હતી. આ ઉપરાંત ગાંધીનગર, ખેડા, આણંદ, બનાસકાંઠા, પાટણ અને મહેસાણામાં તાપમાનમાં વધારો થશે.