હવામાન વિભાગ / કોરોના સંકટ વચ્ચે ઉત્તર-પશ્ચિમ ભારતમાં ગરમી અને લૂ નો કહેર, આ રાજ્યમાં વરસાદની આગાહી

ભારતીય હવામાન વિભાગ દ્વારા દેશના વધારે વિસ્તારોમાં આગામી 48 કલાક સુધી 45 ડિગ્રી તાપમાન સાથે લૂ લાગવાનું એલર્ટ જાહેર કરાયું છે. જ્યારે પારો 47 ડિગ્રી સુધી પહોંચે તેવી સંભાવના છે. હવામાન વિભાગ દ્વારા દિલ્હીમાં પણ તાપમાનનો પારો 45 ડિગ્રી જોવા મળી શકે છે, તે સાથી રાજધાનીમાં લૂ ને લઇને ચેતવણી આપવામાં આવી છે. 

રાજસ્થાનના ઘણા વિસ્તારો પ્રચંડ લૂનો સામનો કરી રહ્યાં છે. જેમાં ચરૂ જિલ્લામાં પારો 50 ડિગ્રી સુધી પહોંચ્યો છે. છેલ્લા 10 વર્ષમાં આવું બીજી વખત જોવા મળ્યું છે જ્યારે ચરુમાં મે મહિનામાં આટલુ વધારે તાપમાન જોવા મળ્યું છે. હવામાન વિભાગ દ્વારા 19 મે 2016માં ચરુમાં સૌથી વધુ તાપમાન 50.2 ડિગ્રા તાપમાન નોંધાયું હતું. 

આસામ અને મેઘાલય માટે 26 થી 28 વચ્ચે રેડ એલર્ટ જાહેર
જો કે હવામાન વિભાગ દ્વારા આસામ અને મેઘાલયમાં 26 થી 28 મેચ વચ્ચે રેડ એલર્ટ જાહેર કરવામાં આવ્યું છે. હવામાન વિભાગ મુજબ પૂર્વોત્તરના આ બંને રાજ્યોમાં ભારે વરસાદની આગાહી કરવામાં આવી છે. અરુણાચલ પ્રદેશમાં પણ સતત વરસાદ પડી રહ્યો છે અને દિબાંગ ઘાટી જિલ્લામાં ભૂસ્ખલનની ઝપેટમાં એક મકાન આવતાં 3 લોકોનાં મોત નિપજ્યાં છે. 

હવામાન વિભાગના મહાનિદેશક મહાપાત્રાએ કહ્યું આસામ અને મેઘાલયમાં આવનારા ત્રણ દિવસ સુધી રેડ એલર્ટ જાહેર કરવામાં આવ્યું છે. મહાપાત્રાએ જણાવ્યું કે મે બાદ જૂનમાં પણ પૂર્વોત્તર ભારતમાં વધારે વરસાદની શક્યતા છે. 

રાષ્ટ્રીય હવામાન પૂર્વાનુમાન કેન્દ્રના પ્રમુખે જણાવ્યું અલ્ફાન વાવાઝોડાના કારણે ચોમાસાની ઝડપ ઘટી ગઇ છે જો કે આગામી સમયમાં ફરી ઝડપ પકડી લેશે.