દેશના અનેક ભાગમાં ભીષણ ગરમી શરૂ થઇ ગઇ છે. ઉત્તર અને મધ્ય ભારત દિલ્લી, રાજસ્થાન, મધ્યપ્રદેશ, યૂપી, મહારાષ્ટ્ર, તેલંગાણા છત્તીસગઢ સહિત 9 રાજ્યોમાં ભીષણ ગરમી પડી રહી છે. અને તાપમાન 40થી 46 ડિગ્રી સુધી પહોંચી ગયું છે. 4 દિવસમાં દિલ્લી, રાજસ્થાન, હરિયાણામાં હીટવેવની આગાહી આપવામાં આવી છે. મધ્ય પ્રદેશ સહિત 6 રાજ્યમાં યલો એલર્ટ પણ જાહેર કરવામાં આવ્યું છે.
અંગ દઝાડતી ગરમીની શરૂઆત
5 રાજ્યોમાં હીટવેવની આગાહી
40થી 46 ડિગ્રી સુધી પહોંચ્યું તાપમાન
હાલમાં દિલ્હીમાં તાપમાન 46 ડિગ્રીએ પહોંચી ગયું છે અને સતત ગરમ હવાના કારણે મુશ્કેલી ઉભી થઇ શકે છે. ભારતીય હવામાન વિભાગ મુજબ દિલ્લીમાં 28 અને 29મે એ છૂટોછવાયો વરસાદ પડી શકે છે, પરંતુ તાપમાન માત્ર 2થી 3 ડિગી ઓછું થશે.
અહીં 4 દિવસ સુધી રહેશે ઓરેન્જ એલર્ટ
હવામાન વિભાગે આગામી 4 દિવસમાં દિલ્લી, રાજસ્થાન, હરિયાણા, પંજાબ અને મહારાષ્ટ્રમાં હીટવેવની આગાહી કરી અને ઓરેન્જ એલર્ટ આપી દીધું છે.
આ 6 રાજ્યોમાં અપાયું યલો એલર્ટ
જ્યારે મધ્ય પ્રદેશ સહિત 6 રાજ્ય ઉત્તરપ્રદેશ, છત્તીસગઢ, ઓડિશા, આંધ્રપ્રદેશ અને તેલંગાણામાં યલો એલર્ટ આપી દેવાયું છે.